પૈપ્પલાદ-સંહિતા · અધ્યાય 5.36

યે વારુણા ઉત નૈરૃતા
વનસ્પતીનાં વીરુધાં ચ પાશાઃ ।
યે ભૌમા ભૂમ્યા અધિ સંબભૂવુસ્
તે ત્વા ન હિંસાઞ્ છિવતાતિર્ અસ્તુ તે ॥

યે અન્તરિક્ષે દિવિ યે ચ પાશા
અન્ને વિચૃત્તા બહુધા સિનન્તિ ।
યે પશુભ્યો અધિ સંબભૂવુસ્
તે ત્વા ન હિંસાઞ્ છિવતાતિર્ અસ્તુ તે ॥

યં માનુષં મનુષ્યાઃ શપન્તે
યાં વા હોત્રાં પિત્ર્યામ્ આરભન્તે ।
સમામ્યો વરુણો ય આજગામ
સ ત્વા ન હિંસાચ્ છિવતાતિર્ અસ્તુ તે ॥

અપઃ પ્રગાહ્ય યદિ વા સમામિષે
અગ્નિમ્ આરેભિષે યદિ વા સમિદ્ધમ્ ।
વિદ્વાન્ અવિદ્વાન્ અનૃતં યદ્ ઉવક્થ
તત્ ત્વા ન હિંસાચ્ છિવતાતિર્ અસ્તુ તે ॥

યત્ પ્રતીચ્યાં દૃષત્પિષ્ટાઁ
આમપેષાઁ આમપાત્રે પપાથ ।
હીનઃ સત્યેનાનૃતં યદ્ ઉવક્થ
તત્ ત્વા ન હિંસાચ્ છિવતાતિર્ અસ્તુ તે ॥

યં બાણવન્તં સુદિહં સંભરન્તિ
યં વા હસ્તં બ્રાહ્મણસ્યારભન્તે ।
સમામ્યો વરુણો યં જઘાન
તસ્ય શ્મશાનાદ્ અધિ લોષ્ટ આભૃતઃ
સ ત્વા ન હિંસાચ્ છિવતાતિર્ અસ્તુ તે ॥

યં ગ્રાવાણમ્ આરભન્તે
યેનાંશૂન્ અભિષુણ્વન્તિ સોમમ્ ।
યદ્ વા ધનં ધનકામો નિરેમિષે
ક્ષેત્રં ગામ્ અશ્વં પુરુષં વોભયાદત્
તત્ ત્વા ન હિંસાચ્ છિવતાતિર્ અસ્તુ તે ॥

અપઃ પ્રગાહ્ય યદિ વા વ્યામિષે
અગ્નિમ્ આરેભિષે યદિ વા સમિદ્ધમ્ ।
જામ્યા હસ્તં કૃતમ્ આરેભિષે
ધનુર્ વોત્તતમ્ ઇતિ ચક્રમિથ ।
મન્યૌ વા રાજ્ઞો વરુણસ્યાસિ સક્તઃ
સ ત્વા ન હિંસાચ્ છિવતાતિર્ અસ્તુ તે ॥