પૈપ્પલાદ-સંહિતા · અધ્યાય 5.28

પ્રમુચ્યમાનં ભુવનસ્ય ગોપઃ
પશું નો અત્ર પ્રતિ ભાગમ્ એતુ ।
અગ્નિર્ યજ્ઞં ત્રિવૃતં સપ્તતન્તું
દેવો દેવેભ્યો હવ્યં વહતુ પ્રજાનન્ ॥

યૌ તે દંષ્ટ્રૌ સુદિહૌ રોપયિષ્ણૂ
નિર્ હ્વયેતે દક્ષિણાઃ સં ચ પશ્યતઃ ।
અનાષ્ટ્રં નઃ પિતરસ્ તત્ કૃણોતુ
યૂપે બદ્ધં પ્રમુમુચિમા યદ્ અન્નમ્ ॥

અહ્રસ્તસ્ ત્વમ્ અવિદુષ્ટઃ પરેહિ-
-ઇન્દ્રસ્ય ગોષ્ઠમ્ અપિ ધાવ વિદ્વાન્ ।
ધીરાસસ્ ત્વા કવયઃ સં મૃજન્ત્વ્
ઇષમ્ ઊર્જં યજમાનાય મત્સ્વ ॥

ઋષિભિષ્ ટ્વા સપ્તભિર્ અત્રિણાહં
પ્રતિ ગૃહ્ણામિ ભુવને સ્યોનમ્ ।
જમદગ્નિઃ કશ્યપઃ સ્વાદ્વ્ એતદ્
ભરદ્વાજો મધ્વ્ અન્નં કૃણોતુ ।
પ્રતિગ્રહીત્રે ગોતમો વસિષ્ઠો
વિશ્વામિત્રો દદુષે શર્મ યચ્છાત્ ॥

યન્ નો અગ્રં હવિષ આજગામ-
-અન્નસ્ય પાત્રમ્ ઉત સર્પિષો વા ।
યદ્ વા ધનં વહતોર્ આજગામ-
-અગ્નિષ્ ટદ્ ધોતા સુહુતં કૃણોતુ ॥

યદ્ આજ્યં પ્રતિજગ્રભ યાંશ્ ચ વ્રીહીન્
અજં ચન્દ્રેણ સહ યજ્ જઘાસ ।
બૃહસ્પતિર્ હવિષો નો વિધર્તા
મા નો હિંસીચ્ છાગો અશ્વો વશા ચ ॥

અગ્નિર્ ન એતત્ પ્રતિ ગૃહ્ણાતુ વિદ્વાન્
બૃહસ્પતિઃ પ્રત્ય્ એતુ પ્રજાનન્ ।
ઇન્દ્રો મરુત્વાન્ સુહુતં કૃણોત્વ્
અયક્ષ્મમ્ અનમીવં તે અસ્તુ ॥

યન્ નો દદુર્ વરાહમ્ અક્ષિતં વસુ
યદ્ વા તલ્પમ્ ઉપધાનેન નઃ સહ ।
યદ્ વાવિયૂથં સહ વૃષ્ણ્યા નો
અગ્નિષ્ ટદ્ ધોતા સુહુતં કૃણોતુ ॥

યન્ નઃ શાલાં વિશ્વભોગામ્ ઇમાં દદુર્
ગૃહં વા યોક્ત્રં સહ કૃત્ત્યોત ।
યદ્ વા હર ઉપનાહેન દેવા
અગ્નિષ્ ટદ્ ધોતા સુહુતં કૃણોતુ ॥