પૈપ્પલાદ-સંહિતા · અધ્યાય 5.23

ઈશાનં ત્વા ભેષજાનાં
વિજેષાય વૃણીમહે ।
ચક્રે સહસ્રવીર્યં
સરસ્વાન્ ઓષધે ત્વા ॥

સત્યજિતં શપથયાવનીં
સહમાનાં પુનઃસરામ્ ।
સર્વાઃ સમ્ અહ્વ્ય્ ઓષધીર્
ઇતો મા પારયાન્ ઇતિ ॥

યા શશાપ શપનેન
યા વા ઘ મૂરમ્ આદધે ।
યા વા રસસ્ય પ્રાશાય -
- આરેભે તોકમ્ અત્તુ સા ॥

પ્રતીચીનફલો હિ ત્વમ્
અપામાર્ગ બભૂવિથ ।
સર્વાન્ મચ્ છપથાઁ અધિ
વરીયો યાવયા ત્વમ્ ॥

યચ્ ચ ભ્રાતૃવ્યઃ શપતિ
યચ્ ચ જામિઃ શપાતિ નઃ ।
બ્રહ્મા યન્ મન્યુતઃ શપાત્
સર્વં તન્ નો અધસ્પદમ્ ॥

યાં તે ચક્રુર્ આમે પાત્રે
યાં સૂત્રે નીલલોહિતે ।
આમે માંસે કૃત્યાં યાં ચક્રુસ્
તયા કૃત્યાકૃતો જહિ ॥

દુષ્વપ્ન્યં દુર્જીવિતં
રક્ષો અભ્વમ્ અરાય્યઃ ।
દુર્વાચઃ સર્વં દુર્ભૂતં
તદ્ ઇતો નાશયામસિ ॥

ક્ષુધામારં તૃષ્ણામારમ્
અગોતામ્ અનપત્યતામ્ ।
અપામાર્ગ ત્વયા વયં
સર્વં તદ્ અપ મૃજ્મહે ॥