પૈપ્પલાદ-સંહિતા · અધ્યાય 5.21

દ્યૌશ્ ચ નઃ પિતા પૃથિવી ચ માતા-
-અગ્નિશ્ ચ નૃચક્ષા જાતવેદાઃ ।
તે તક્માનમ્ અધરાઞ્ચં ન્યઞ્ચં
દશાહ્નમ્ અસ્યન્ત્વ્ અધિ દૂરમ્ અસ્મત્ ॥

તક્મન્ યં તે ક્ષેત્રભાગમ્
અપાભજં પૃથિવ્યાઃ પૂર્વે અર્ધે ।
અતિહાય તમ્ અથ નો હિનસ્સિ
ગ્રાહિઃ કિલ ત્વા ગ્રહીષ્યતિ કિલાસશીર્ષઃ ॥

તક્મન્ પર્વતા ઇમે
હિમવન્તઃ સોમપૃષ્ઠાઃ ।
વાતં દૂતં ભિષજં નો અક્રન્
નશ્યેતો મરટાઁ અભિ ॥

ન ત્વા સ્ત્રિયઃ કામયન્તે
ન પુમાંસઃ કતમે ચન ।
નેહ તક્મકામ્યા-
-અલ્પો રોદિતિ નો મહાન્ ॥

મા નો હિંસીર્ મહતો
મા હિંસીર્ મહ્યસ્ ત્વમ્ ।
કુમારાન્ બભ્રો મા હિંસીર્
મા નો હિંસીઃ કુમાર્યઃ ॥

યઃ સાકમ્ ઉત્પાતયસિ
બલાસં કાસમ્ ઉદ્રજમ્ ।
ભીમાસ્ તે તક્મન્ હેતયસ્
તાભિ ષ્મ પરિ વૃઙ્ધિ નઃ ॥

અન્યક્ષેત્રે ન રમતે
સહસ્રાક્ષો ઽમર્ત્યઃ ।
અભૂદ્ ઉ પ્રાર્થસ્ તક્મા
સ ઉ નો મૃડયિષ્યતિ ॥

તક્મન્ ન ત ઇહાશ્વા
ન ગાવો નેહ તે ગૃહાઃ ।
શકમ્ભરસ્ય મુષ્ટિહા
પુનર્ ગચ્છ મહાવૃષાન્ ॥