પૈપ્પલાદ-સંહિતા · અધ્યાય 5.20

પરો ઽપેહિ પરશ્ ચર
પરસ્ તર્દ પરસ્તરમ્ ।
અગ્નેર્ વાતસ્ય ધ્રાજ્યા
અપ બાધે અહં ત્વામ્ ॥

ઉદકસ્યેદમ્ અયનં
વાતસ્યેદં નિભઞ્જનમ્ ।
અગ્નેર્ ધૂમસ્યાયં પન્થા
નેહ તર્દાયનં તવ ॥

પરિ ત્વા કૃષ્ણવર્તનિર્
અગ્નિર્ ધૂમેનાર્ચિષા ।
સ ત્વં તર્દ પરશ્ ચર-
- અન્યત્ તર્દ્ધિ તૃણં યવાત્ ॥

યે તર્દા અસુરેષિતા
દેવેભિર્ ઇષિતાશ્ ચ યે ।
સર્વાંસ્ તાન્ બ્રહ્મણા વયં
શલભાઞ્ જમ્ભયામસિ ॥

શલભસ્ય શલભ્યાસ્
તર્દસ્યો પતત્રિણઃ ।
અગ્નેર્ વાતસ્ય ધ્રાજ્યા-
-અપિ નહ્યામ આસ્યમ્ ॥

ઇદં યદ્ ગવિ ભેષજં
વિશ્વાદ્ રૂપાત્ સમાભૃતમ્ ।
આખોર્ ઘુણસ્ય તર્દસ્ય
તેષાં સ્નાવ્નાપિ નહ્યત ॥

દૃષ્ટા ત્વમ્ અસિ ગન્ધેન-
-ઓષધિર્ ઘુણજમ્ભની ।
આખોર્ ઘુણસ્ય જાતાનિ
તાનિ જમ્ભય તેજસા ॥

તૂલં તર્દસ્ તૃણસ્યાત્તુ
મૂલમ્ આખુર્ ધિયેષિતઃ ।
અથો વૃક્ષસ્ય ફલ્ગુ યદ્
ઘુણા અદન્તુ મા યવમ્ ॥