પૈપ્પલાદ-સંહિતા · અધ્યાય 5.1

નમઃ પિશઙ્ગબાહ્વૈ
સિન્ધૌ જાતાયા ઉગ્રાયૈ ।
યો અસ્યૈ નમ ઇત્ કરદ્
અપેદ્ અસ્ય ગૃહાદ્ અયત્ ॥

અપેહિ નો ગૃહેભ્યો
અપેહિ વત્સતન્ત્યાઃ ।
આત્માનમ્ અત્ર રોત્સ્યસ્ય્
અવ રોહ મહાનસાત્ ॥

હા અમ્બ સુહૂતલે
અથો હૈ સામનન્તમે ।
પુત્રો યસ્ તે પૃશ્નિબાહુસ્
તમ્ ઉ ત્વં સામનં કૃધિ ।
અથો દુહિતરં નપ્ત્રીમ્
અથો ત્વં સામના ભવ ॥

ભૂતપતિર્ નિર્ અજત્વ્
ઇન્દ્રશ્ ચેતઃ સદાન્વાઃ ।
ગૃહસ્ય બુધ્ન આસીનાસ્
તા વજ્રેણાધિ તિષ્ઠતુ ॥

અપેતેતઃ સદાન્વા
અહિંસન્તીર્ ઇમં ગૃહમ્ ।
ધેનુર્ વાત્ર ય સ્થાસ્યત્ય્
અનડ્વાન્ વેરયા સહ ॥

યા સહમાના ચરસિ
સાસહાન ઇવ ર્ષભઃ ।
સદાન્વાઘ્નીં ત્વા વયં
જૈત્રાયાચ્છા વદામસિ ॥

સહસ્વ નો અભિમાતિં
સહસ્વ પૃતનાયતઃ ।
સહસ્વ સર્વા રક્ષાંસિ
સહમાનાસ્ય્ ઓષધે ॥

ત્વં વ્યાઘ્રાન્ સહસે
ત્વં સિંહાઁ ઉભયાદતઃ ।
મક્ષાશ્ ચિત્ કૃણ્વાના મધુ
ત્વં સહસ ઓષધે ॥