પૈપ્પલાદ-સંહિતા · અધ્યાય 5.2

ઇયં પિત્રે રાષ્ટ્ર્ય્ એત્ય્ અગ્રે
પ્રથમાય જનુષે ભૂમનિષ્ઠાઃ ।
તસ્મા એતં સુરુચં હ્વારમ્ અહ્યં
ઘર્મં શ્રીણન્તિ પ્રથમસ્ય ધાસ્યોઃ ॥

બ્રહ્મ જજ્ઞાનં પ્રથમં પુરસ્તાદ્
વિ સીમતઃ સુરુચો વેન આવઃ ।
સ બુધ્ન્યા ઉપમા અસ્ય વિષ્ઠાઃ
સતશ્ ચ યોનિમ્ અસતશ્ ચ વિ વઃ ॥

પ્ર યો જજ્ઞે વિદ્વાઁ અસ્ય બન્ધું
વિશ્વાનિ દેવો જનિમા વિવક્તિ ।
બ્રહ્મ બ્રહ્મણ ઉજ્ જભાર મધ્યાન્
નીચાદ્ ઉચ્ચા સ્વધા અભિ પ્ર તસ્થૌ ॥

મહાન્ મહી અસ્કભાયદ્ વિ જાતો
દ્યાં દ્વિતઃ પાર્થિવં ચ રજઃ ।
સ બુધ્નાદ્ આષ્ટ્ર જનુષાભ્ય્ અગ્રં
બૃહસ્પતિર્ દેવતા તસ્ય સમ્રાટ્ ॥

નૂનં તદ્ અસ્ય ગવ્યં હિનોતિ
મહો દેવસ્ય પૂર્વસ્ય મહિ ।
એષ જજ્ઞે બહુભિઃ સાકમ્ ઇત્થા
પૂર્વાદ્ અર્ધાદ્ અવિથુરશ્ ચ સન્ નુ ॥

સ હિ દિવઃ સ પૃથિવ્યા ઋતેષ્ઠા
મહિ ક્ષામન્ રજસી વિ ષ્કભાયતિ ।
અહર્ યચ્ છુક્રં જ્યોતિષો જનિષ્ટ-
-અધા દ્યુમન્તો વિ વસન્ત્વ્ અરિપ્રાઃ ॥

એવાથર્વા પિતરં વિશ્વદેવં
બૃહસ્પતિર્ નમસાવોચદ્ અચ્છ ।
ત્વં વિશ્વસ્ય જનિતા ધાસ્ય્ અગ્રે
કવિર્ દેવાન્ ન દભાય સ્વધાવઃ ॥

મૂર્ધ્ના યો અગ્રમ્ અભ્યર્ત્ય્ ઓજસા
બૃહસ્પતિમ્ આ વિવાસન્તિ દેવાઃ ।
ભિનદ્ વલં વિ મૃધો દર્દરીતિ
કનિક્રદદ્ ગાઃ સ્વર્ અપો જિગાય ॥