પૈપ્પલાદ-સંહિતા · અધ્યાય 3.6

અગ્નિર્ નો વિદ્વાન્ પ્રત્ય્ એતુ શત્રૂન્
પ્રતિદહન્ન્ અભિશસ્તિમ્ અરાતિમ્ ।
સ સેનાં મોહયતુ પરેષાં
નિહસ્તાંશ્ ચ કૃણવજ્ જાતવેદાઃ ॥

યૂયમ્ ઉગ્રા મરુત ઈદૃશે સ્થ-
-અભિ પ્રેત મૃડત સહધ્વમ્ ।
અમીમૃડન્ વસવો નાથિતેભ્યો
+ઽગ્નિર્ હ્ય્ એષાં વિદ્વાન્ પ્રત્ય્ એતુ શત્રૂન્ ॥

અમિત્રસેનાં મઘવન્ન્
અસ્માઞ્ છત્રૂયતામ્ અભિ ।
યુવં તાન્ ઇન્દ્ર વૃત્રહન્ન્
અગ્નિશ્ ચ દહતં પ્રતિ ॥

પ્રસૂત ઇન્દ્રઃ પ્રવતા હરિભ્યાં
પ્ર તે વજ્રઃ પ્ર મૃણન્ન્ એતુ શત્રૂન્ ।
જહિ પ્રતીચો અનૂચઃ પરાચો
વિશ્વં હિ રિષ્ટં કૃણુહિ સત્યમ્ એષામ્ ॥

સેનામોહનં કૃણ્વ્
ઇન્દ્રામિત્રેભ્યસ્ ત્વમ્ ।
અગ્નેર્ વાતસ્ય ધ્રાજ્યા
તાન્ વિષૂચો વિ નાશય ॥

ઇન્દ્રઃ સેનાં મોહયતુ
મરુતો ઘ્નન્ત્વ્ ઓજસા ।
ચક્ષૂંષ્ય્ અગ્નિર્ આ દત્તાં
પુનર્ એતુ પરાજિતામ્ ॥