પૈપ્પલાદ-સંહિતા · અધ્યાય 3.40

તેજનાત્ ત્યજનં જાતં
તેજનં જાયતે શરાત્ ।
ન યેષતિ ન શોચતિ
યસ્ ત્વા બિભર્તિ તેજન ॥

પરુત્નમ્ અસિ તેજન
પરુત્નં તે પ્રભઞ્જનમ્ ।
પરુત્નો અસ્તુ સ કામો
યેનામૂં કામયામહે ॥

યાવદ્ ઓષઃ શરો અસ્ત્વો
જનેભ્યઃ કૃણવદ્ ભયમ્ ।
તાવદ્ ઓષસ્ ત્વં તેજન
ત્યજનં ભવતાદ્ ઇહ ॥

ત્યજનં મ આપો દધન્
ત્યજનં મરુતો દધન્ ।
ત્યજનં મે વિશ્વે દેવાસ્
ત્યજનં પિતરો દધન્ ॥

તેનાહમ્ અન્યેષાં સ્ત્રિયો
અત્યાક્ષં વિદ્વિષઃ પુરા ।
પુરા દ્વિષો અત્યાક્ષં
પુરા મધ્યન્દિનાદ્ ઉત ।
પુરા સાયત્વાદ્ અત્યાક્ષં
તેજને હિ મહદ્ બલમ્ ॥

અસ્થાદ્ દ્યૌર્ અસ્થાત્ પૃથિવ્ય્
અસ્થાદ્ વિશ્વમ્ ઇદં જગત્ ।
અસ્થાદ્ અવહૃદેવાત્
તિષ્ઠાત્ કામો અયં તવ ॥