पैप्पलाद-संहिता · अध्याय 3.40
तेजनात् त्यजनं जातं
तेजनं जायते शरात् ।
न येषति न शोचति
यस् त्वा बिभर्ति तेजन ॥
परुत्नम् असि तेजन
परुत्नं ते प्रभञ्जनम् ।
परुत्नो अस्तु स कामो
येनामूं कामयामहे ॥
यावद् ओषः शरो अस्त्वो
जनेभ्यः कृणवद् भयम् ।
तावद् ओषस् त्वं तेजन
त्यजनं भवताद् इह ॥
त्यजनं म आपो दधन्
त्यजनं मरुतो दधन् ।
त्यजनं मे विश्वे देवास्
त्यजनं पितरो दधन् ॥
तेनाहम् अन्येषां स्त्रियो
अत्याक्षं विद्विषः पुरा ।
पुरा द्विषो अत्याक्षं
पुरा मध्यन्दिनाद् उत ।
पुरा सायत्वाद् अत्याक्षं
तेजने हि महद् बलम् ॥
अस्थाद् द्यौर् अस्थात् पृथिव्य्
अस्थाद् विश्वम् इदं जगत् ।
अस्थाद् अवहृदेवात्
तिष्ठात् कामो अयं तव ॥
मूल पाठ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0