પૈપ્પલાદ-સંહિતા · અધ્યાય 4.1

હિરણ્યગર્ભઃ સમ્ અવર્તતાગ્રે
ભૂતસ્ય જાતઃ પતિર્ એક આસીત્ ।
સ દાધાર પૃથિવીં દ્યામ્ ઉતામું
તસ્મૈ દેવાય હવિષા વિધેમ ॥

ય ઓજોદા બલદા યશ્ ચ વિશ્વ
ઉપાસતે પ્રશિષં યસ્ય દેવાઃ ।
યસ્ય છાયામૃતં યસ્ય મૃત્યુસ્
તસ્મૈ દેવાય હવિષા વિધેમ ॥

યઃ પ્રાણતો નિમિષતો વિધર્તા
પતિર્ વિશ્વસ્ય જગતો બભૂવ ।
ય ઈશે ઽસ્ય દ્વિપદો યશ્ ચતુષ્પદસ્
તસ્મૈ દેવાય હવિષા વિધેમ ॥

યેન દ્યૌર્ ઉગ્રા પૃથિવી ચ દૃઢા
યેન સ્વ સ્તભિતં યેન નાકઃ ।
યો અન્તરિક્ષં વિમમે વરીયસ્
તસ્મૈ દેવાય હવિષા વિધેમ ॥

ય ઇમે દ્યાવાપૃથિવી તસ્તભાન-
-અધારયદ્ અવસા રેજમાને ।
યસ્મિન્ન્ અધિ વિતત એતિ સૂર્યસ્
તસ્મૈ દેવાય હવિષા વિધેમ ॥

યસ્ય વિશ્વે હિમવન્તો મહિત્વા
સમુદ્રં યસ્ય રસયા સહાહુઃ ।
દિશો યસ્ય પ્રદિશઃ પઞ્ચ દેવીસ્
તસ્મૈ દેવાય હવિષા વિધેમ ॥

આપો હ યસ્ય વિશ્વમ્ આયુર્
દધાના ગર્ભં જનયન્ત માતરઃ ।
તત્ર દેવાનામ્ અધિ દેવ આસ્ત
એકસ્થૂણે વિમિતે દૃઢ ઉગ્રે ॥

આપો ગર્ભં જનયન્તીર્
વત્સમ્ અગ્રે સમ્ ઐરયન્ ।
તસ્યોત જાયમાનસ્ય-
-ઉલ્બ આસીદ્ ધિરણ્યયઃ ॥

હિરણ્ય ઉલ્બ આસીદ્ યો
ઽગ્રે વત્સો અજાયત ।
તં યોન્યોર્ વિદ્રવન્ત્યોઃ
પર્ય્ અપશ્યદ્ દિતિર્ મહી ॥