પૈપ્પલાદ-સંહિતા · અધ્યાય 20.56

એતદ્ યદ્ અન્યત્ર જિગાંસથ
યદ્ અન્યત્ર વિવીષથ ।
તદ્ વશ્ ચિત્તમ્ અમૂમુહં
તદ્ વશ્ ચિત્તમ્ અનીનશમ્ ॥

અસ્તિ વૈ પથાં નિષ્કુટં
નદીનાં ચ નિરઙ્કશમ્ ।
તેન વશ્ ચિત્તમ્ અમૂમુહં
તેન વશ્ ચિત્તમ્ અનીનશમ્ ॥

યાનિ વઃ સપ્ત ચેતાંસ્ય્
અષ્ટૌ યાનિ મનાંસિ ચ ।
તદ્ વશ્ ચિત્તમ્ અમૂમુહં
તદ્ વશ્ ચિત્તમ્ અનીનશમ્ ॥

ઇન્દ્રેણ મેદિના યુજ્-
-આગ્નિના જાતવેદસા ।
તેન વશ્ ચિત્તમ્ અમૂમુહં
તેન વશ્ ચિત્તમ્ અનીનશમ્ ॥

પ્રતીચીનાં વો અભ્ય્ અધામ્
અશ્વમ્ ઇવાશ્વાભિધાન્યા ।
કૃણ્વે વો મામકે વશે
પદોર્ ઉપાનહૌ યથા ॥

દેવાનાં સંસદ્ અસિ
દેવાનાં યાતુર્ અસિ ।
યયા તન્વા બ્રહ્મ જિન્વસિ
તયા મા જિન્વ ॥

રોચે મા પ્રકાશે મા
કણ્વા વિદન્ મા ગમય ।
અનુ મા બુધ્યન્તામ્ ॥

વયઃ સુપર્ણા ઉપ સેદુર્ ઇન્દ્રં
પ્રિયમેધા ઋષયો નાધમાનાઃ ।
અપ ધ્વાન્તમ્ ઊર્ણુહિ પૂર્ધિ ચક્ષુર્
મુમુગ્ધ્ય્ અસ્માન્ નિધયેવ બદ્ધાન્ ॥

અપ્સુ જાતસ્ય મહતસ્ પર્ય્ અશ્મનઃ ।
સ્વયંજાતસ્ય શોચિષો
ઽદ્ભિઃ પર્વત નાશય ॥

ઉત્તોદિનીં શિમિદ્વતી
દુર્ગયોનિર્ વ્યદ્વરામ્ ।
મૃગાઁ અનુ પ્ર પાતય
મરીચીર્ અનુ નાશય ॥

અશ્વસ્યાસ્નઃ સંપતિતા
પર્ણે તે વસતિષ્ કૃતા ।
અસૃક્ પતત્રિણામ્ અસિ
જહિ વામૂન્ પ્ર બાધમ ॥

અસૃક્તો અધિ જાતો ઽસિ
પર્ણે તે સદનં કૃતમ્ ।
આણ્ડં પતત્રિણામ્ અસિ
જહિ વામૂન્ પ્ર બાધમ ॥

યથા ગર્દભો વિવર્તનાદ્
વિધૂય વિપલાયતે ।
એવાસૌ પલાયતામ્
અમુષ્માદ્ અધ્ય્ આયતઃ ॥