પૈપ્પલાદ-સંહિતા · અધ્યાય 20.55

અદર્શિ ગાતુવિત્તમો
યસ્મિન્ વ્રતાન્ય્ આદધુઃ ।
ઉપો ષુ જાતમ્ આર્યસ્ય વર્ધનં
સોમં ગચ્છન્તુ નો ગિરઃ ॥

પ્ર દૈવોદાસો અગ્નિર્
દેવાઁ અચ્છા ન મજ્મના ।
અનુ માતરં પૃથિવીં વિ વાવૃતે
તસ્થૌ નાકસ્ય સાનવિ ॥

યસ્માદ્ રેજન્તિ કૃષ્ટયશ્
ચર્કૃત્યાનિ કૃણ્વતઃ ।
સહસ્રસા મેધસાતાવ્ ઇવ ત્મન્-
-આગ્નિં ધીભિર્ દુવસ્યત ॥

આ પ્યાયસ્વ સમ્ એતુ તે
વિશ્વતઃ સોમ વૃષ્ણ્યમ્ ।
ભવા વાજસ્ય સંગથે ॥

આ પ્યાયસ્વ મદિન્તમ
સોમ વિશ્વેભિર્ અંશુભિઃ ।
ભવા નઃ સુમ્નયુઃ સખા વૃધે ॥

સં તે પયાંસિ સમ્ ઉ યન્તુ વજાઃ
સં વૃષ્ણ્યાન્ય્ અભિમાતિષાહઃ ।
આપ્યાયમાનો અમૃતાય સોમ
દિવિ શ્રવાંસ્ય્ ઉત્તમાનિ ધિષ્વ ॥

વિદ્મ ત્વા વયં સોમં
રાજાનં યે ત્વા ન વિદુઃ ।
તેષાં ચક્ષુષા શ્રોત્રેણ
પ્રાણેન પ્રજયા પશુભિર્ ગૃહૈર્ ધનેના પ્યાયસ્વ ।
એષા ત ઓષધીસ્
તયા ત્વમ્ આ પ્યાયસ્વ ॥

આપીનો અસ્માન્ આપ્યાયચ્
ચક્ષુષા શ્રોત્રેણ પ્રાણેન પ્રજયા પશુભિર્ ગૃહૈર્ ધનેન ॥

યદ્ વેદ રાજા વરુણો
વેદ દેવો બૃહસ્પતિઃ ।
ઇન્દ્રો યદ્ વૃત્રહા વેદ
તત્ સત્યં ચિત્તમોહનમ્ ॥

શર્વેણ નીલશિખણ્ડેન
ભવેન મરુતાં પિત્રા ।
વિરૂપાક્ષેણ બભ્રુણા
વાચં વદિષ્યતો હતાઃ ॥