પૈપ્પલાદ-સંહિતા · અધ્યાય 20.42

યદ્ અદ્ય દુગ્ધં પૃથિવીમ્ અસક્ત
યદ્ ઓષધીર્ વ્યસરદ્ યદ્ આપઃ ।
વત્સે પયો ગવિ પયો યદ્ અસ્યામ્
અસ્માંસ્ તત્ સચતાં પયઃ ॥

પરા પતન્ત્ય્ આશવો
ઽશ્વા અધોધુરં યથા ।
એવા મૂત્ર પ્ર ભિદ્યસ્વ
વિ વસ્તેર્ આસ્યં સૃજ ॥

વિષિતં તે વસ્તિબિલમ્ ઇત્ય્ એકા ॥

અસ્ય પારે સમુદ્રસ્ય
શુક્રં જ્યોતિર્ અમર્ત્યમ્ ।
તન્ નઃ પાત્વ્ અંહસસ્
તન્ નઃ પાતુ વિશ્વતઃ ॥

આ નો મેધા સુમતિર્ વિશ્વરૂપા
હિરણ્યવર્ણા જગતી જગમ્યાત્ ।
સા નો અગ્ને મેધા
જુષતામ્ ઇહ પ્રચેતાઃ ॥

નિષ્ ક્રામત્વ્ ઇષિર્યો અત્ર પ્રવિષ્ટો
વયાષ્ઠશ્ ચ સયુજા યાવ્ ઇહ સ્તઃ ।
સપ્ત ઋષીણાં સ્યૂમરશ્મિઃ પથૈતુ
સ્વાન્ મૃગાન્ પુનર્ અપ્ય્ એતુ કૃષ્ણઃ ॥

સપ્ત ઋષીન્ ગચ્છ સ્યૂમરશ્મયે
મૃગાન્ કૃષ્ણઃ સચતાં વાજો અશ્વમ્ ।
ઈડો અસ્માન્ સુપ્રજસઃ સુવીરાન્
સહ યજ્ઞેન પયસા સચાતૈ ॥

નમો અસ્ત્વ્ ઋષયે સ્યૂમરશ્મયે
નમઃ કૃષ્ણાયોત યો વાજો અસ્ય ।
નમો દેવાયાર્વતેષુ જિષ્ણવે
ઽયં નો વાજી પ્ર તિરાત્ય્ આયુઃ ॥

અતિ યન્ત્ય્ અહાન્ય્ અતિ રાત્રીર્ અત્ય્ ઉષસઃ ।
આપો અન્તર્ધાવરીસ્ તાભિર્ અન્તર્ દધે ત્વા ॥

યથા નૈદાઘ્યે માસિ
બહ્વીઃ શુષ્યન્ત્ય્ ઓષધીઃ ।
એવા પ્ર શુષ્ય મામ્ અનુ
યચ્ ચ પશ્યામિ યચ્ ચ ન ॥

પાટા બિભર્ત્ય્ અઙ્કુશં
હિરણ્યવન્તમ્ અઙ્કિનમ્ ।
તેનાહમ્ અન્યેષાં સ્ત્રિય
આ લુમ્પામિ મમેદ્ અસન્ ॥