પૈપ્પલાદ-સંહિતા · અધ્યાય 20.41

ઉત્તમોસ્ય્ ઓષધીનાં
વીરુધાં બલવત્તમઃ ।
સસ્યન્દન ત્વમ્ ઓષધે
સર્વાઃ સ્યન્દય ગા ઇમાઃ ॥

અરન્તુરથન્તુ ।
વનેષુ શુષ્મો અસ્તુ તે
પૃથિવ્યામ્ અસ્તુ યદ્ ધરઃ ॥

અકૃદ્ અશ્વો અકૃત્ ખરો
અકૃદ્ અશ્વતરો હરિઃ ।
એવાસિ બહ્વઘે તવ
ભસન્ નદત્વ્ આસિચા ॥

યથા નદતિ ગર્દભ
એવા નદતિ તે ભસત્ ।
વ્રીહેર્ યવસ્ય માષસ્ય્-
-ઐતત્ પશ્યાભિદર્શનમ્ ॥

ઉદ્ ભરે દ્યાવાપૃથિવી
ઉદ્ આપ ઉદ્ અગ્નિમ્ ઉદ્ ઇન્દ્રમ્
ઉત્ સૂર્યમ્ ઉદ્ રાત્રિમ્ ઉદ્ અહઃ ॥

નમસ્કૃત્ય દ્યાવાપૃથિવીભ્યામ્
અન્તરિક્ષાય મૃત્યવે ।
મેક્ષ્યામ્ય્ ઊર્ધ્વસ્ તિષ્ઠન્
મા મા હિંસિષુર્ ઈશ્વરાઃ ॥

યન્ મેઢ્વા યદ્ અપ્સરસઃ
પયો દેવીર્ અહૃષત ।
તદ્ ઇહોપ હૃયામહે
ચક્ષુષે ચ બલાય ચ ।
દેવાનાં દેવહૂત્યા
મયિ ત્યા દેવતાઃ પુનઃ ॥

યાસ્ય દોષા રસસ્ય મે
ત્વં દેવિ તતર્પિથ ।
નારાશંસેન સ્તોમેન્-
-આહં ત્વત્ પુનર્ આ દદે
યુષ્મદ્ અપ્સરસસ્ પરિ ॥

યન્ મે તન્વો રસં
વયમ્ ઉદ્ અપ્સરસસ્ પરિ ।
નારાશંસેન સ્તોમેન
પ્રજામ્ આ પ્યાયામહે ॥

યન્ મે પયો વિષિષિચે
જાગ્રતઃ સ્વપતશ્ ચ યત્ ।
પુનસ્ તદ્ અદ્ય મે દેવા
આ સિઞ્ચન્તુ તનૂ અધિ ॥