પૈપ્પલાદ-સંહિતા · અધ્યાય 20.39

અપેહિ તક્મંશ્ ચર પરો અન્યમ્
અસ્મદ્ ઇચ્છ પુરુષં કં ચિદ્ એવ ।
વેદ તે તક્મન્ પિતરં વેદ માતરમ્ ॥

શમીવાન્ અસિ શામીવતઃ
શમીવાન્ આભિશોકિઃ ।
અભિશોકો હાર્ષણિર્
હર્ષણો જાઞ્જભિઃ ॥

યઃ પશૂનાં માર્જનીયો
યં ત્વમ્ અંશેન ભેજિષે ।
અભીહિ તક્મન્ ગર્દભં
ન મામ્ અભ્યેતુમ્ અર્હસિ ॥

વિસ્રસા નામ તે માતા
કિઃકિશો (⟨ કિષ્કિષો ?) નામ તે પિતા ।
શિમિદા નામ તે સ્વસા ॥

ગિરિં ગચ્છ ગિરિજા અસિ
ગિરૌ તે માહિષો ગૃહઃ ।
દાસી ચક્રમ્ આસ્થાય
નામ્લાતે નિ ક્રન્દયિષ્યતિ ॥

આ વાતો વાત્વ્ અનઘઃ
સર્વસ્ય દૂતો અભિશસ્તિપાઃ ।
જલાષમ્ ઇત્ પ્ર સિઞ્ચતિ
તદ્ વિષસ્યાપ સિઞ્ચતુ ॥

યામ્ અસ્યતિ પૃશ્નિબાહુર્
ઇષ્ટં હરિદ્રુપર્ણ્યમ્ ।
તામ્ અસ્ય નિષ્ ખિદામસિ
યથા જીવાસિ ભદ્રયા ॥

અશ્રાન્તસ્ય ત્વા મનસા
યુનજ્મિ પ્રથમસ્ય ચ ।
ઉત્કૂલમ્ ઉદ્વહો ભવ્-
-ઓદુહ્ય પ્રતિ ધાવતાત્ ॥

એતં દન્તં નિરૃત્યા ઘોરમ્ આહુર્
યસ્ત આસન્ન્ અવરૂઢ એષઃ ।
તં દુર્હાર્દે પ્ર હિણોમિ ઘોરં
સ નો મા હિંસીજ્ જ્યાયસો મા કનીયસઃ ॥

શિવઃ શગ્મો ભવતુ દન્ત એષ
મા નો હિંસીજ્ જ્યાયસો મા કનીયસઃ ।
અઘમારમ્ અઘશંસં નિરૃથં
તં તે દન્તઃ સચતાં ઘોર એષઃ ॥