પૈપ્પલાદ-સંહિતા · અધ્યાય 20.31

દિવિ તારા ઉદભિ શ્ર્યન્
સપ્ત સૂર્યસ્ય રશ્મયઃ ।
ધારાઃ સમુદ્રિયા અપસ્
તાસ્ તે શલ્યમ્ અચુચ્યવુઃ ॥

ઈડે અગ્નિં સ્વાવસું નમોભિર્
ઇહ પ્રસક્તો વિ ચયત્ કૃતં નઃ ।
રથૈર્ ઇવ પ્ર ભરે વાજયદ્ભિઃ
પ્રદક્ષિણં મરુતાં સ્તોમમ્ ઋધ્યામ્ ॥

સપ્ત સ્રવન્તિ શિશવે મરુત્વતે
પિતા પુત્રેભ્યો અપ્ય્ અવીવતદ્ વ્ ઋતા ।
ઉભે પિપૃત ઉભે અસ્ય રાજત
ઉભે યતેતે ઉભે અસ્ય પુષ્યતઃ ॥

વેદઃ સ્વસ્તિર્ દ્રુહણઃ સ્વસ્તિઃ
પર્શુર્ વેદિઃ પરશુર્ નઃ સ્વસ્તિઃ ।
હવિષ્કૃતો યજ્ઞિયા યજ્ઞકામાસ્
તે દેવાસો હવિર્ ઇદં જુષધ્વમ્ ॥

ઉપ પ્રિયં પનિપ્નતં
યુવાનમ્ આહુતીવૃધમ્ ।
અગન્મ બિભ્રતો નમઃ ॥

ઇમા યાસ્ તે શતં હિરાઃ
સહસ્રં ધમનીર્ ઉત ।
તાસાં તે સર્વાસાં સાકમ્
અશ્મના બિલમ્ અપ્ય્ અધામ્ ॥

ઇદં ખનામિ ભેષજં
માંપશ્યમ્ અભિરોરુદમ્ ।
યેના નિચક્ર આસુર્-
-ઈન્દ્રાણી કેવલં પતિમ્ ॥

અક્ષ્યૌ નૌ મધુસંકાશે
અનીકં નૌ સમઞ્જનમ્ ।
અન્તઃ કૃણુષ્વ મા હૃદિ
મન ઇન્ નૌ સહાસતિ ॥

ત્વાષ્ટ્રેણાહં વચસ્-
-એર્ષ્યાં વ્ય્ અમીમદમ્ ।
અથો યો મન્યુસ્ તે પતે
તમ્ ઉ તે શમયામસિ ॥

વ્રતેન ત્વં વ્રતપતે સમક્તો
ઽહા વિશ્વા સુમના દીધ્યો નઃ ।
તં ત્વા વયં જાતવેદઃ સમિદ્ધં
પ્રજાવન્ત ઉપ સદેમ સર્વે ॥