પૈપ્પલાદ-સંહિતા · અધ્યાય 20.30

અપિ વૃશ્ચ પુરાણવદ્
વ્રતતેર્ ઇવ ગુષ્પિતમ્ ।
ઓજો દાસસ્ય જમ્ભય
યદ્ એતદ્ અસ્ય સંભૃતં
મધુ તદ્ ઇન્દ્રસ્ય વિભજાવહૈ ॥

મ્લાપયામિ વ્રજઃ શુભ્રં
વરુણસ્ય વ્રતેન તે ।
યથા શેપોઅપાય્ય્ અસ
સ્ત્રીષુ ચાસો અનાવયાઃ ॥

અવસ્થસ્ય ક્લદીવતો
ભઙ્ગુરસ્ય નિતોદિનઃ ।
યદ્ ઉત્તતમ્ અવ તત્ તનુ
યદ્ આતતં નિ તત્ તનુ ॥

અમિમ્લપં તે તન્વં
ક્લીબં ત્વા વીરુધાકરમ્ ।
અન્તઃકોશ ઇવ કોશેષુ
સ્ત્રીષ્વ્ અપ્યાકૃતશ્ ચર ॥

આ નો મેદં ગૃહપતિર્
દધાત્વ્ ઇન્દ્રેણ મેદિના ।
આ નો મેદં સરસ્વત્ય્
આ નો વહન્તુ સિન્ધવઃ ॥

મેદં ધાતા મેદં પૂષા
મેદમ્ ઇન્દ્રો દધાતુ મે ।
મેદં મે અશ્વિનોભ્-
-આ ધત્તાં પુષ્કરસ્રજા ॥

ઊરૂ મેદય મે બાહૂ
અષ્ઠીવન્તા ઉરશ્ ચ મે ।
વપાં પર્ય્ અસ્ય ઉદરે
મેદમ્ ઇન્દ્રો દધાતુ મે ॥

ચર્મણ ઇવોપનીતસ્ય
સર્વાન્ કેશાન્ વૃહામિ તે ।
અયસ્પાત્રમ્ ઇવ તે શિરો
યથાસત્ સમરં સમમ્ ॥