પૈપ્પલાદ-સંહિતા · અધ્યાય 20.28

યદ્ અપ્સુ તે સરસ્વતિ
ગોષ્વ્ અશ્વેષુ યન્ મધુ ।
તેન નો વાજિનીવતિ
મુખમ્ અઙ્ધિ સરસ્વતિ વર્ચસા ॥

યો અદ્ય દેવ સૂર્ય
ત્વાં ચ માં ચાન્તરાયતિ ।
તસ્મિન્ દુષ્વપ્ન્યં સર્વં
દુરિતાનિ ચ મૃજ્મહે ॥

યો નો +ઽભિચ્છાયં મર્ત્યેષ્વ્
અગ્નિં તિષ્ઠસ્ય્ અન્તરા ।
તસ્ય વૃશ્ચામિ તે મૂલં
ન ચ્છાયાં કરવો ઽપરમ્ ॥

ઘ્નન્ત્વ્ એનં દેવેષવો
બ્રહ્માણો ઘ્નન્તુ મેન્યા ।
યો અસ્માકં પ્રજાપતે
અગ્નિં તિષ્ઠત્ય્ અન્તરા ॥

પ્રજાપતે યો ઽસ્માઁ આદૃશ્-
-આગ્નિં તિષ્ઠત્ય્ અન્તરા ।
તં મૃત્યવે પ્ર યચ્છામિ
સ રુદ્રસ્યાસ્ત્વ્ આખણઃ ॥

પ્ર સુવૈનં દેવવજ્રેભ્યો
મૃત્યુર્ વિ ક્રમતામ્ અધિ ।
સિનાત્વ્ એનાન્ નિરૃતિર્
મૃત્યોઃ પાશૈર્ બન્ધૈર્ અવિમોક્યૈઃ ॥

સુમઙ્ગલેન વચસા
કેશિન્ ગ્રામં ન આ વદ ।
બ્રહ્મણાબ્રહ્મણા ત્વ્-
-ઓલૂકાચ્છા વદામસિ ॥

પરાઙ્ એવ પરા વદ
પરાચીમ્ અનુ સંવતમ્ ।
યથા યમસ્ય ત્વા ગૃહે
ઽરસં પ્રતિચાકશં
નિયસ્તં પ્રતિચાકશમ્ ॥

શુનમ્ ઉલૂક નો વદ
યં દ્વિષ્મસ્ તમ્ ઇતો નય ।
રાજ્ઞો યમસ્ય તે ગૃહે
સિકતાભિર્ વિદેવ્યમ્
આખુસ્ તે મૂષિકેદ્ ભાગઃ ॥

આ વદ બહુલં ગોષ્ઠં
ધીતવત્સમ્ અનષ્ટગુમ્ ।
ધ્વાઙ્ક્ષાય દ્વિપદાં વદ
શુને ચતુષ્પદાં વદ ॥