પૈપ્પલાદ-સંહિતા · અધ્યાય 20.29

પુનર્ મે રાજા વરુણઃ
પુનર્ ઇન્દ્રઃ પુનર્ ભગઃ ।
પુનર્ મે વિશ્વે દેવા
આયુર્ જીવિતવા અદુઃ ॥

ઉત્ તિષ્ઠાતઃ પ્ર દ્રવાર્વાઙ્
માત્ર તિષ્ઠો ઽભિચાકશત્ ।
સપત્ન્યા વર્ચ આદાય્-
-આથાસ્માભિઃ સહાસસિ ॥

ઉત્ તિષ્ઠત નિર્ દ્રવત
ન વ ઇહાસ્તિ ન્યઞ્ચનમ્ ।
અમુષ્ય વિત્તમ્ અભિ વઃ સુવામિ
તદ્ અનુવધ્વં સુદતીર્ અહિનસ્ તત્ ॥

યે અસ્માકં સબન્ધવો
વિષ્ઠિતાઃ પૃથિવીમ્ અનુ ।
તેષામ્ ઇન્દ્ર ઇવ દેવાનામ્
અહં ભૂયાસમ્ ઉત્તમઃ ॥

યે અગ્નયઃ પાર્થિવા
આહિતાઃ પૃથિવીમ્ અનુ ।
તેષામ્ અસિ ત્વં સંગથે
સ નો જીવાતવે કૃધિ ॥

ચિત સ્થ પરિચિત સ્થ્-
-આગ્નયશ્ ચ નિહવા નામ ।
તે નો મા નિ હ્વધ્વં
તેભ્યો વો નમો ન વો હવમ્ એમિ ।
યો ઽસ્માન્ દ્વેષ્ટિ યં વયં દ્વિષ્મઃ
સ વો હવમ્ એતુ ॥

ઇન્દ્રાગ્ની પુનર્ આ કૃતં ન એતા
સ્થિરવીરાવ્ અપરાવીતગૂ ।
અસ્માકં સર્વા નિહવે સન્ત્વ્ એષાં
વયં વિદ્યામ ગુહ્યં નામ ગવામ્ ॥

પ્રજાપતે અનુનિક્રન્દય
વિશ્વે દેવાઃ પદવાયાઃ સન્ત્વ્ આસામ્ ।
આદિત્યા અનુસંગત્ય શૂરા
ઇન્દ્રજ્યેષ્ઠાઃ પુનર્ આ વર્તયન્તુ ॥

ઇન્દ્ર પ્રણેતર્ વર્ધય મ્-
-આશ્વિના માં વહતમ્ આશ્વશ્વા ।
ઐન્દ્રાગ્નં વર્મ પ્રતિમુઞ્ચમાનો
યથોભયેભ્યશ્ ચારુ સમિતિમ્ આ વદાનિ ॥

ચારુવાક્ ચારુવદનશ્
ચારુ સં કાશ નો નૃભિઃ ।
અદ્વેષ્યપ્રતીકાશો
જિગીવાઁ અપરાજિતઃ ॥