પૈપ્પલાદ-સંહિતા · અધ્યાય 20.26

સં મા ભગેન દ્વિગુણેન વર્ચસા
સં મા પૃથિવ્યા સં મૌષધીભિઃ ।
સં માપો મયોભુવો
ભગેન વર્ચસા સિચન્ ॥

વર્ચો મે મિત્રાવરુણેત્ય્ એકા ॥

ઋચં સામ યજામહે
યાભ્યાં કર્માણિ કૃણ્વતે ।
વિ તે સદસિ રાજતો
યજ્ઞં દેવેષુ યચ્છતામ્ ॥

અઙ્ગમઙ્ગં સં ચિનોમિ
ચક્ષુઃ પ્રાણમ્ અથો બલમ્ ।
પ્રિયાઃ શ્રુતસ્ય ભૂયાસ્મ્-
-આયુષ્મન્તઃ સુમેધસઃ ॥

એતન્ નો દેવ સવિતર્
જગદ્ધાત્રી ચ રક્ષતમ્ ।
પૂષૈનત્ પુનર્ આજત્વ્
અવિનષ્ટમ્ અવિહ્રુતમ્ ॥

યાવન્ત્ય્ એવ પલિતાનિ
સાકં જજ્ઞિરે અગ્રશઃ ।
તેભ્યઃ પરિ બ્રવીમિ ત્વા
કૃષ્ણાઃ કેશા ભવન્તુ મે ॥

કૃષ્ણાન્ કેશાન્ સિનીવાલિ
કૃષ્ણાન્ કેશાન્ સરસ્વતિ ।
કૃષ્ણાન્ મે અશ્વિના કેશાન્
કૃણુતં પુષ્કરસ્રજા ॥

અદો યદ્ અગ્રે દેવાનાં
પુરસ્તાદ્ અવતિષ્ઠતિ ।
તન્ મે +ઽબ્રવીત્ ત્વષ્ટા વિરિષ્ટભેષજમ્ ॥

શ્વા વિશ્વધાયસા
વિશ્વભેષજ્યા કૃતમ્ ।
યદ્ આમયતિ નિષ્ કૃધિ
નિષ્કૃતિર્ નામ વા અસિ ॥

સં તે ચૃતામિ તકરિં
સં યોનિં સં ગવીન્યૌ ।
સં માતરં ચ પુત્રં ચ
સં ગર્ભં ચ જરાયુ ચ ॥