પૈપ્પલાદ-સંહિતા · અધ્યાય 20.21

દિવસ્ પૃથિવ્યાઃ પર્ય્ અન્તરિક્ષાદ્
વાતાત્ પશુભ્યો અધ્ય્ ઓષધીભ્યઃ ।
યતો લક્ષ્મીર્ વૃજિના સંબભૂવ
સા બ્રહ્મણા પ્રચ્યુતા દૂરમ્ એતુ ॥

વાલ્કુત્સસ્ય ચ ગન્ધેન
હિરણ્યવર્ચસેન ચ ।
આત્ પુષ્કરિણ્યા યો ગન્ધો
ભગો મા તેન જિન્વતુ ॥

યદ્ ઇન્દ્રો અગ્રે અસુરાઞ્ જઘાન
તતો લક્ષ્મીર્ ન્ય્ અદધુર્ મર્ત્યેષુ ।
તાસાં પાપિષ્ઠા નિર્ અતઃ સુવામઃ
શિવા અસ્યૈ જાતવેદો નિ યચ્છ ॥

યા ત્વા લક્ષ્મીર્ દેવૃઘ્ની યા પતિઘ્ની
ગૃહેભ્યસ્ ત્વા નુદતે યા વ્યાડા ।
અતસ્ ત્વમ્ એનસો મુચ્યમાન્-
-ઓત્ તરેમાઃ સ્રોત્યાઃ સપ્ત સાકમ્ ॥

નિપિંશન્તીં નિતુદન્તીં
સંપિબન્તીં ન્યક્વરીમ્ ।
પ્રભઙ્ગાં ભ્રૂણઘ્નીં લક્ષ્મીં
બ્રહ્મણા તા અનીનશમ્ ॥

ઉદોજિષ્ઠાં સહસ્યાં
જયન્તીમ્ અપરાજિતામ્ ।
લક્ષ્મીર્ યાઃ પુણ્યાઃ કલ્યાણીસ્
તા અસ્યૈ સવિતઃ સુવ ॥

લક્ષ્મ્યઃ સમ્ અલપ્સત
સમ્ અલપ્સત લક્ષ્મ્યઃ ।
અજૈષુર્ ભદ્રા લક્ષ્મ્યઃ
પરા પાપીર્ અજેષત ॥

લક્ષ્મીણાં લક્ષ્મીતમે
લક્ષ્મીણામ્ અધિપા અસિ ।
તાં ત્વાહં શુદ્ધો ગોપ્સ્યામિ
દેવજા હિ બભૂવિથ ॥

સભા ચ મા સમિતિશ્ ચાવતાં
પ્રજાપતેર્ દુહિતરૌ સચેતસૌ ।
યેન સંગચ્છા ઉપ મા સ તિષ્ઠાદ્
અન્તર્ વદાનિ હૃદયે જનાનામ્ ॥

સભા સેના સમિતિસ્ ત્વામ્ અવન્તુ
પ્રજાપતેર્ દુહિતરઃ પ્રચેતસઃ ।
યેન વદાન્ય્ ઉપ મા સ શિક્ષાદ્
અન્તર્ વદાનિ હૃદયે જનાનામ્ ॥