પૈપ્પલાદ-સંહિતા · અધ્યાય 20.15

યદ્ અન્નમ્ અદ્મિ બહુધા વિરૂપં
હિરણ્યમ્ અશ્વમ્ ઉત ગામ્ અજામ્ અવિમ્ ।
યદ્ એવ કિં ચ પ્રતિજગ્રહાહમ્
અગ્નિષ્ ટદ્ વિશ્વાદ્ અગદં કૃણોતુ ॥

યદ્ આશસા મે ચરતો જનાઁ અનુ
યાચમાનસ્ય વદતો વિચુક્ષુભે ।
યન્ મે તન્વો મનસો વિરિષ્ટં
સરસ્વતી તદ્ આ પૃણાદ્ ઘૃતેન ॥

યદ્ આરિમ પ્રતિગૃહ્ણન્ત એનઃ
સિષાસન્તો બલિમ્ અગ્ને ચરન્તઃ ।
ત્વં નસ્ તસ્માદ્ એનસો મુમુગ્ધિ
વૈશ્વાનરઃ પ્રતિ હવ્યા ગૃભાય ॥

ચક્ષુષઃ પાશાન્ મનસશ્ ચ પાશાદ્
વીક્ષાયાઃ પાશાદ્ ઉત શક્વરીણામ્ ।
તસ્માન્ મુમુગ્ધિ વિશ્વાવસો ત્વં નો
દાતૄણાં દાનં ભુનજામહૈ વયમ્ ॥

અદુર્ મે વિશ્વે દેવા
અદાત્ સવિતેદમ્ ।
અદાન્ મે બ્રહ્મણસ્પતિઃ
પ્રિયો મિત્રો અદાદ્ ઇદમ્ ॥

ઇન્દ્રેણ મેદિના યુજ્-
-આપ બાધે પૃતન્યતઃ ।
અધરે સન્તુ શત્રવઃ ॥

અગ્નિર્ ઇન્દ્રશ્ ચ યદ્ યુવં
હતો વૃત્રાણ્ય્ અપ્રતિ ।
ઉગ્રા હિ વૃત્રહન્તમા ॥

અગ્નિમ્ ઇન્દ્રં ચ યદ્ વયં
પુરોધાયૈ હવામહે ।
તૌ નો મૃડાત ઈદૃશે ॥

યાભ્યાં સ્વર્ અજયન્ન્ અગ્રે
યાવ્ આતસ્થતુર્ ભુવના જુષાણા ।
પ્રચર્ષણી વૃષણા વજ્રબાહૂ
અગ્નિમ્ ઇન્દ્રં વૃત્રહણા હુવેમ ॥

યયોર્ ઓજસા સ્તભિતા રજાંસિ
યૌ વીર્યૈર્ વીરતમા શચીભિઃ ।
યૌ પત્યેતે અપ્રતીતૌ સહોભિર્
વિષ્ણુમ્ અગન્ વરુણં પૂર્વહૂતિઃ ॥