પૈપ્પલાદ-સંહિતા · અધ્યાય 20.14

પયસ્વતીર્ ઓષધયઃ
પયસ્વન્ મામકં વચ ઇત્ય્ એકા ॥

અયમ્ અગ્નિર્ વરેણ્ય
આયુષ્ ટે વિશ્વતો દધત્ ।
પુનસ્ ત્વા પ્રાણ આયતિ
પરા યક્ષ્મં સુવામિ તે ॥

જનાદ્ વિશ્વજનીનં
વિશામ્ ઉરુક્ષિતીનામ્ ।
દૂરાત્ ત્વા મન્ય આભૃતમ્
ઈર્ષ્યાયા નામ ભેષજમ્ ॥

દૂરાદ્ એતત્ સં ભરન્ત્-
-ઈર્ષ્યાયા નામ ભેષજમ્ ।
તત્ સંવેગસ્ય ભેષજં
તદ્ અશ્ના સંગૃભાયિકમ્ ॥

અગ્નેર્ ઇવ દહતો
દાવસ્ય દહતો યથા ।
એતામ્ એતસ્યેર્ષ્યાં હૃદ
ઉદ્નાગ્નિમ્ ઇવ વારયે ॥

અપ માર્જ્મ્ય્ અપનયન્
મન્યું તે હૃદયાદ્ અધિ ।
અમુષ્મિન્ન્ ઈર્ષ્યામ્ આ દધ્મસ્
તત્રો એનાં નિ દધ્મસિ ॥

તિરશ્ચિરાજેર્ અસિતાત્
પૃદાકોર્ અધિ સંભૃતમ્ ।
તત્ કઙ્કપર્વણો વિષમ્
ઇયં વીરુદ્ અદૂદુષત્ ॥

ઇયં વીરુન્ મધુજાતા
મધુશ્ચુન્ મધુલા મધુ
સા વિહ્રુતસ્ય ભેષજ્ય્
અથો મશકજમ્ભની ॥

યતો દષ્ટં યતઃ પીતં
તતસ્ ત્વા નિર્ ણયામસિ ।
અભ્ર્યસ્ય તૃપ્રદંશિનો
મશકસ્યારસં વિષમ્ ॥

અયં યો વિખ્યો વિકટો વિપર્વા
મુખાન્ય્ એષાં વૃજિના કૃણોષિ ।
તાનિ ત્વં દેવ સવિતર્
ઇષીકામ્ ઇવ સં નમઃ ॥