પૈપ્પલાદ-સંહિતા · અધ્યાય 20.16

યયોર્ અપ્સુ ન મહિમા નદીષુ
પ્રરિરિચે પ્રદિવિ રોચનાયામ્ ।
યયોર્ અસ્ત્ય્ અનુમતિર્ ભૂયિષ્ઠા
વિષ્ણુમ્ અગન્ વરુણં પૂર્વહૂતિઃ ॥

યયોર્ ઇદં પ્રદિશિ યદ્ વિરોચતે
પ્રજામ્ અતિ વિ ચ ચષ્ટે શચીભિઃ ।
મહઋતસ્ય ધર્માણા યુવાના
વિષ્ણુમ્ અગન્ વરુણં પૂર્વહૂતિઃ ॥

ઉભા જિગ્યથુર્ ન પરા જયેથે
ન પરા જિગ્યે કતરશ્ ચનૈવ વામ્ ।
ઇન્દ્રશ્ ચ વિષ્ણો યદ્ અપસ્પૃધેથાં
ત્રેધા સહસ્રં વિ તદ્ ઐરયેથામ્ ॥

યદ્ અશુદ્ધં યદ્ અનૃતં
યચ્ ચરામસિ પાપયા ।
આપો મા તસ્માદ્ એનસો
દુરિતાત્ પાન્તુ વિશ્વતઃ ॥

દુષ્વપ્ન્યં દુર્જીવિતમ્ ઇત્ય્ એકા ॥

યદ્ અવામૃક્ષત કૃષ્ણશકુનિર્
મુખેન નિરૃતે તવ ।
અગ્નિષ્ ટત્ સર્વં શુન્ધતુ
હવ્યવાડ્ ઘૃતસૂદનઃ ॥

યદ્ અસ્માન્ કૃષ્ણશકુનેર્
નિષ્પત્ય તત આનશે ।
આપો મા તસ્માદ્ એનસો
દુરિતાત્ પાન્તુ વિશ્વતઃ ॥

અગ્નિર્ મા પાતુ પ્રથમો દુરર્મણો
નિરૃત્યાં વિશ્વા દુરિતાનિ મૃજ્મહે ।
વિશ્વે મા દેવા મરુતઃ પુનન્તુ
વરુણો રાજા સવિતા પવિત્રૈઃ ॥

અન્તરિક્ષેણ પતતિ
યાતુધાનનિબાધિતઃ ।
સ્તોકં યમ્ અભ્યચુશ્ચુતત્
તમ્ ઉ સ્યોનં કૃણોમિ તે ॥

યત્ ત્વા કૃષ્ણો અભ્યમૃક્ષદ્
દેવેભ્યસ્ પરિ નિર્હતઃ ।
શિવં તે તન્વે તત્ કૃણ્મો
વિ તે પાશાંશ્ ચૃતામસિ ॥