પૈપ્પલાદ-સંહિતા · અધ્યાય 20.13

સ્વાહાકૃતઃ શુચિર્ દેવેષુ ઘર્મો
યો અશ્વિનોશ્ ચમસો દેવપાનઃ ।
તમ્ ઉ વિશ્વે અમૃતાસો જુષાણા
ગન્ધર્વસ્ય પ્રત્ય્ આસ્ના રિહન્તિ ॥

સુગા વો દેવાઃ સદના કૃણોમિ
ય આતસ્થેદં સવનં જુષાણાઃ ।
વહમાના ભરમાણા અભ્રા
અસ્તં ઘર્મં તમ્ ઉદાતિષ્ઠતાનુ ॥

શિવા નઃ શંતમા ભવ
સુમૃડીકા સરસ્વતિ ।
મા તે યુયોમ સંદૃશઃ ॥

ઉપૈનં દેવો અગ્રભીચ્
ચમસેન બૃહસ્પતિઃ ।
યજમાનાય શુન્ધત
ઇન્દ્ર ગીર્ભિર્ ન આ ભર ॥

સં મા સિઞ્ચન્તુ મરુત ઇત્ય્ એકા ॥

ઇડૈવાસ્માઁ અનુ વસ્તાં વ્રતેન
યસ્યાઃ પદે પુનતે દેવયન્તઃ ।
ઘૃતપદી શક્વરી સોમપૃષ્ઠ્-
-ઓપ યજ્ઞમ્ અસ્થિત વૈશ્વદેવી ॥

દ્રપ્સશ્ ચસ્કન્દેત્ય્ એકા ॥

યસ્ તે દ્રપ્સ સ્કન્દતિ યસ્ તે અંશુર્
બાહુચ્યુતો ધિષણાયા ઉપસ્થાત્ ।
અધ્વર્યોર્ વા પરિ યઃ પવિત્રાત્
તં તે જુહોમિ મનસા વષટ્કૃતમ્ ॥

દ્રપ્સઃ પતિતો વિશ્વયઃ પરિશ્રુતઃ ।
અયં દેવો બૃહસ્પતિઃ
સં તં સિઞ્ચતુ રાધસે ॥

યસ્ તે દ્રપ્સઃ પતિતઃ પૃથિવ્યાં
ધાનાસોમઃ પરિવાપઃ કરમ્ભઃ ।
અયં દેવો બૃહસ્પતિઃ
સં તં સિઞ્ચતુ વર્ચસે ॥