પૈપ્પલાદ-સંહિતા · અધ્યાય 20.11

અતિ ધન્વાન્ય્ અત્ય્ અપસ્ તતર્દ
શ્યેનો નૃચક્ષા અવસાનદર્શઃ ।
તરન્ વિશ્વાવરા રજાંસ્-
-ઈન્દ્રેણ સખ્યા શિવ આ જગામ ॥

આગન્ દેવઃ સવિતા સર્વધાયા
ઉરુજ્યોતિર્ અવિદામા નમોભિઃ ।
મહીં નાવમ્ અદિતેર્ આ રુહેમ
યત્ર સોમઃ સદમ્ ઇત્ તત્ર ભદ્રમ્ ॥

ઉદ્ વયમ્ ઇત્ય્ એકા ॥

પતિર્ દિવઃ પતિર્ અગ્નિઃ પૃથિવ્યાઃ
પતિર્ વિશ્વસ્ય ભુવનસ્ય રાજતિ ।
પતિર્ વિશ્વા ઓષધીર્ આ વિવેશ
પત્નીવાન્ અગ્ન ઇહ યાહિ સોમમ્ ॥

સં ક્રામતં મા જહીતં શરીરં
પ્રાણાપાનૌ સયુજેહ સ્તમ્ ।
સપ્તઋષિભ્યઃ પરિ દદ્મ એતં
ત એનં સ્વસ્તિ જરસે નયન્તુ ॥

યત્ ત આયુર્ અતિહિતં પરાચૈર્
અપાનઃ પ્રાણો ય ઉ તે પરેતઃ ।
અગ્નિષ્ ટદ્ આહાર્ નિરૃતેર્ ઉપસ્થાત્
તદ્ આત્મનિ પુનર્ આ વેશયામિ ॥

મા ત્વા પ્રાણો હાસીદ્ યસ્ ત્વે પ્રવિષ્ટો
મા ત્વાપાનો ઽવહાય પરા ગાત્ ।
સંરભ્ય જીવ શરદઃ સુવર્ચા
અગ્નિષ્ ટે ગોપા અધિપા વસિષ્ઠઃ ॥

રાકામ્ અહં સુહવાં સુષ્ટુતી હુવે
શૃણોતુ નઃ સુભગા બોધતુ ત્મના ।
સીવ્યત્વ્ અપઃ સૂચ્યાચ્છિદ્યમાનયા
દદાતુ વીરં શતદાયમ્ ઉક્થ્યમ્ ॥

યાસ્ તે રાકે સુમતયઃ સુપેશસો
યાભિર્ દદાતિ દાશુષે વસૂનિ ।
તાભિર્ નો અદ્ય સુમના ઉપાગહિ
સહસ્રપોષં સુભગે રરાણા ॥

યા રાકા યા સિનીવાલી
યા ગુઙ્ગૂર્ યા સરસ્વતી ।
ઇન્દ્રાણીમ્ અહ્વ ઊતયે
વરુણાનીં સ્વસ્તયે ॥

યા સુબાહુઃ સ્વઙ્ગુરિઃ
સુષુમા બહુસૂવરી ।
તસ્યૈ વિશ્પત્ન્યૈ હવિઃ
સિનીવાલ્યૈ જુહોતન ॥

સિનીવાલિ પૃથુષ્ટુકે
યા દેવાનામ્ અસિ સ્વસા ।
જુષસ્વ હવ્યમ્ આહુતં
પ્રજાં દેવિ દિદિડ્ઢિ નઃ ॥

યા વિશ્વત ઇન્દ્રમ્ અસિ પ્રતીચી
સહસ્રસ્તુતામ્ અભિ યન્તુ દેવીઃ ।
વિષ્ણુપત્નિ તુભ્યં રાતા હવીંષિ
પતિં દેવિ રાધસા ચોદયસ્વ ॥