પૈપ્પલાદ-સંહિતા · અધ્યાય 20.10

યો નો મિત્રાવરુણાભિદાસાત્
સપત્નો વોત્પિપાનો બૃહસ્પતે ।
સર્વં તમ્ અગ્ને અધરં પાતયાસ્મદ્
યથેન્દ્રાહમ્ ઉત્તમશ્ ચેતયાનિ ॥

અહમ્ એષામ્ ઉત્તમશ્ ચેતયાનિ
મમ વશમ્ ઉપ તિષ્ઠન્તુ સર્વે ।
આજુહ્વાનો ઘૃતપૃષ્ઠઃ સુવર્ચા
વસોર્ મધ્યે દીદિહિ જાતવેદઃ ॥

અમુમ્ અગ્ને અધરં પાતયાસ્મજ્
જાસયોત્પિપાનં સપત્નમ્ ।
યે નો ધૂર્વાન્ અધરે તે ભવન્તુ
વિશ્વા દ્વેષાંસ્ય્ અભિતો નિ મૃડ્ઢિ ॥

મૂર્ધાનં દિવો અરતિં પૃથિવ્યા
વિશસ્ ત્વા સર્વા બલિહૃત ઉપાસતામ્ ।
તાસામ્ ઉગ્રો મધ્યમેષ્ઠેયમ્ અસ્યા
સ્વે ક્ષેત્રે સવિતેવ વિ રાજ ॥

આ પ્રત્યઞ્ચં દાશુષે દાશ્વાંસં
સરસ્વન્તં પુષ્ટિપતિં રયીણામ્ ।
રાયસ્પોષં શ્રવસ્યં વસાનમ્
ઇહ હુવેમ સદનં રયીણામ્ ॥

યસ્ય વ્રતે પશવો યન્તિ સર્વે
યસ્ય વ્રત ઉપતિષ્ઠન્ત આપઃ ।
યસ્ય વ્રતે પુષ્ટિપતિર્ નિવિષ્ટસ્
તં સરસ્વન્તમ્ અવસે હુવેમ ॥

યે તે સરસ્વન્ન્ ઊર્મયો
મધુમન્તો ઘૃતશ્ચુતઃ ।
તેભિર્ નો ઽવિતા ભુવઃ ॥

દિવ્યં સમુદ્રં પયસં બૃહન્તમ્
અપાં ગર્ભં વૃષભમ્ ઓષધીનામ્ ।
અભીપતો રય્યા તર્પયન્તં
સરસ્વન્તં રયિષ્ઠાં સાદયેહ ॥

ઇન્દ્રસ્ય કુક્ષિર્ અસિ સોમધાન
આત્મા દેવાનામ્ ઉત વિશ્વરૂપઃ ।
ઇહ પ્રજા જનય યાસ્ ત આસુ
યા અન્યત્રેહ તાસ્ તે સ્વધિતો ગૃણન્તુ ॥

શ્યેનઃ સુપર્ણો દિવ્યો નૃચક્ષાઃ
સહસ્રપાચ્ છતયોનિર્ વયોધાઃ ।
સ નો નિ યચ્છાદ્ વસુ યત્ પરાભૃતમ્
અસ્માકમ્ અસ્તુ પિતૃષુ સ્વધાવત્ ॥