પૈપ્પલાદ-સંહિતા · અધ્યાય 19.9

ઇદાવત્સરાય પરિવત્સરાય
સંવત્સરાય કૃણુતા બૃહન્ નમઃ ।
તેષાં વયં સુમતૌ યજ્ઞિયાનામ્
અપિ ભદ્રે સૌમનસે સ્યામ ॥

યે વઃ પન્થા બહવો દેવયાના
અનુ દ્યાવાપૃથિવી સંચરન્તી ।
તેષામ્ અજ્યાનિં યતમો ન આવહાત્
તસ્મૈ નો દેવાઃ પરિ ધત્ત સર્વે ॥

શરદ્ ધેમન્તઃ શિશિરો વસન્તો
ગ્રીષ્મો વર્ષાઃ સુવિતે નો દધાત ।
આ નો ગોષુ ભજતૌષધીષુ
નિવાત ઇદ્ વઃ શરણે સ્યામ ॥

વૈશ્વાનરો ન ઊતય
આ પ્ર યાતુ પરાવતઃ ।
અગ્નિર્ ઉક્થૈર્ નો અંહસઃ ॥

વૈશ્વાનરો ન આ ગમદ્
ઇમં યજ્ઞં સજૂર્ ઉપ - ।
-ઇમાં સુષ્ટુતિં મમ ॥

વૈશ્વાનરો નો અઙ્ગિરોભિ
સ્તોમં યજ્ઞં ચ ચાક્લ્̥પત્ ।
ઐષુ દ્યુમ્નં સ્વર્ યમત્ ॥

અજૈષં ત્વા સંલિખિતમ્
અજૈષમ્ ઉત સંરુધમ્ ।
અવિં વૃકો યથા મથદ્
એવા મથ્નામિ તે કૃતમ્ ॥

યથા વૃક્ષમ્ અશનિર્
વિશ્વહા હન્ત્ય્ અપ્રતિ ।
એવાહમ્ અમું કિતવમ્
અક્ષૈર્ વધ્યાસમ્ અપ્રતિ ॥

તુરાણામ્ અતુરાણાં
વિશાં દેવયતીનામ્ ।
સમ્ ઐતુ વિશ્વતો ભગો
અન્તર્હસ્તં કૃતં મમ ॥

યાવદ્ દ્યૌર્ યાવત્ પૃથિવી
યાવદ્ આભાતિ સૂર્યઃ ।
તાવત્ સૃજામિ તે વિષં
યાવદ્ અર્ષન્તિ સિન્ધવઃ ॥

ઉચ્છ્વસન્ત ઉદ્ ઈરતે
ગાવ આવસથાદ્ ઇવ ।
અહીનાં પશ્યતા વિષમ્
અપવક્તા ન વિદ્યતે ॥

આ જઘાન પૃષદ્ધનુઃ
સઙ્ગથે ધમનીનામ્ ।
મૂર્ધાનં વિષમ્ આસ્કદ્ય-
-અઙ્ગાનિ વ્ય્ અસિસ્રસત્ ॥

મા નો દેવા અહિર્ વધીત્
સન્તોકાન્ સહપૂરુષાન્ ।
સંયતં ન વિ ષ્પરદ્
વ્યાત્તં ન સં યમત્ ॥

સં તે દધામિ દદ્ભિર્
દતઃ સં તે હન્વા હનૂ ।
સં તે જિહ્વયા જિહ્વાં
સં ત આસ્નાહ આસ્યમ્ ॥

નમો ઽહયે અસિતાય
નમસ્ તિરશ્ચિરાજયે ।
સ્વજાય બભ્રવે નમો
નમો દેવજનેભ્યઃ ॥