પૈપ્પલાદ-સંહિતા · અધ્યાય 19.10

મનસે ચેતસે ધિય
આકૂતય ઉત ચિત્તયે ।
મત્યૈ શ્રુતાય ચક્ષસે
વિધેમ હવિષા વયમ્ ॥

પ્રાણાયાપાનાય
વ્યાનાય ભૂરિરેતસે ।
સરસ્વત્યા ઉરુવ્યચે
વિધેમ હવિષા વયમ્ ॥

મા નો હાસિષુર્ ઋષયો દૈવ્યાસસ્
તનૂપાવાનઃ શુચયસ્ તપોજાઃ ।
અમર્ત્યા મર્ત્યાઁ અભિ નઃ સચધ્વમ્
આયુર્ નઃ પ્રતરં જીવસે ધુઃ ॥

ઇદમ્ ઇદ્ વા ઉ ભેષજમ્
ઇદં રુદ્રસ્ય ભેષજમ્ ।
યેનેષુમ્ એકતેજનાં
શતશલ્યામ્ અપબ્રુવન્ ॥

જાલાષેનાભિ ષિઞ્ચત
જાલાષેનોપ સિઞ્ચત ।
જાલાષં ભદ્રં ભેષજં
તસ્ય નો ધત્ત જીવસે ॥

શં ચ નો મયશ્ ચ નો
મા ચ નઃ કિં ચનામમત્ ।
ક્ષમા રપો વિશ્વં નો અસ્તુ ભેષજમ્ ॥

યશસં મેન્દ્રો મઘવાન્ કૃણોતુ
યશસં સોમો વરુણો વાયુર્ અગ્નિઃ ।
યશસં મા દેવઃ સવિતા કૃણોતુ
પ્રિયો દાતુર્ દક્ષિણાયાઃ સ્યામ્ અહમ્ ॥

યથેન્દ્રો દ્યાવાપૃથિવ્યોર્ યશસ્વાન્
યથાપ ઓષધીષુ ।
યથા વિશ્વેષુ દેવેષ્વ્
એવા દેવેષુ યશસઃ સ્યામ ॥

અચ્છ વયમ્ ઇન્દ્રં યશસં યશોભિર્
યશસ્વિનો હવિષૈના વિધેમ ।
સ નો દધદ્ રાષ્ટ્રમ્ ઇન્દ્રજૂતં
તસ્ય ત્રાત્રે અધિવાકે સ્યામ ॥

એહ યાતુ વરુણઃ સોમો અગ્નિર્
બૃહસ્પતિર્ વસુભિર્ એહ યાતુ ।
અસ્ય શ્રિયમ્ અભિસંયાત સર્વ
ઉગ્રસ્ય ચેત્તુઃ સંમનસઃ સજાતાઃ ॥

એહ યાત માપ યાતાધ્ય્ અસ્મત્
પૂષા વઃ પરસ્તાદ્ અપથં કૃણોતુ ।
વાસ્તોષ્પતિર્ અનુ વો ઽયમ્ અહ્વન્
મયિ સજાતા રમતિર્ વો અસ્તુ ॥

યો વઃ શુષ્મો હૃદયેષ્વ્ અન્તર્
યા આકૂતિર્ મનસિ પ્રવિષ્ટા ।
તાઞ્ છ્રેવયામિ હવિષા ઘૃતેન
મયિ સજાતા રમતિર્ વો અસ્તુ ॥

મમ ચિત્તં પ્રયવસન્યુતેત્વે-
-ઇન્દ્રાગ્ન્યોર્ ઇવ હવમ્ એત સર્વે ।
બૃહસ્પતિર્ વો નિ યુનક્તુ મહ્યં
મમ વાચમ્ એકચિત્તાઃ સચધ્વમ્ ॥

અહં ગૃહ્ણામિ મનસા મનાંસિ
મમ ચિત્તમ્ ઉપ ચિત્તેભિર્ એત ।
મમ વશે હૃદયં વઃ કૃણોમિ
મમ યાતમ્ અનુવર્ત્માન એત ॥

માં વશ્ ચક્ષુર્ ગચ્છતુ માં પ્રાણો
ધાતા પદમ્ અનુ વર્ત્મ વઃ કૃણોતુ ।
યે વો મહાન્ત ઉત યે કુમારા
મમ યાતમ્ અનુ યાતેભિર્ એત ॥