પૈપ્પલાદ-સંહિતા · અધ્યાય 19.8

દ્યૌશ્ ચ મા પૃથિવી ચ પ્રચેતસૌ
શુક્રો બૃહન્ દક્ષિણા મા પિપર્તુ ।
અનુ સ્વધા ચિકિતાં સોમો અગ્નિર્
વાયુર્ મા યાતુ સવિતા ભગશ્ ચ ॥

પુનર્ મનઃ પુનર્ આયુર્ ન આગન્
પુનશ્ ચક્ષુઃ પુનર્ આકૂતિર્ આગન્ ।
વૈશ્વાનરો નો અદબ્ધસ્ તનૂપા
અન્તસ્ તિષ્ઠાતિ દુરિતાદ્ અવદ્યાત્ ॥

સં વર્ચસા પયસા સં તનૂભિર્
અગન્મહિ મનસા સં શિવેન ।
ત્વષ્ટા સુદત્રો વરિવઃ કૃણોત્વ્
અનૂનસ્ તાષ્ટુ તન્વો વિરિષ્ટમ્ ॥

ઇદં તદ્ યુજ ઉત્તરં
યેનેન્દ્રં શુમ્ભામ્ય્ અષ્ટયે ।
અસ્ય ક્ષત્રં શ્રિયં મહીં
વૃષ્ટિર્ ઇવ વર્ધયા તૃણમ્ ॥

અસ્ય ક્ષત્રમ્ અગ્નીષોમાવ્
અસ્ય વર્ધયતં રયિમ્ ।
અથો રાષ્ટ્રસ્યાભીવર્ગે
કૃણુતં યુજ ઉત્તરમ્ ॥

સબન્ધુશ્ ચાસબન્ધુશ્ ચ
યો જાતો યશ્ ચ નિષ્ટિયઃ ।
યજમાનાય સુન્વતે
સર્વં તં રીરધાસિ નઃ ॥

યશો બૃહદ્ વર્ધતામ્ ઇન્દ્રજૂતં
સહસ્રભૃષ્ટિ સુકૃતં સહસ્વત્ ।
પ્રસર્સ્રાણમ્ અનુ દીર્ઘાય જીવસે
હવિષ્મન્તં વર્ધય સર્વતાતયે ॥

યશા ઇન્દ્રો યશા અગ્નિર્
યશાઃ સોમો અજાયત ।
યશા વિશ્વસ્ય ભૂતસ્ય-
-અહમ્ અસ્મિ યશસ્તમઃ ॥

વયં તે અગ્ને યશસો યશોભિર્
યશસ્વિનો હવિષૈના વિધેમ ।
સ નો ધેહિ રાષ્ટ્રમ્ ઇન્દ્રજૂતં
તવ ત્રાત્રે અધિવાકે સ્યામ ॥

અવ જ્યામ્ ઇવ ધન્વનો
મન્યું તનોમિ તે હૃદઃ ।
અધા સંમનસૌ ભૂત્વા
સખિકેવ સચાવહૈ ॥

વિ તે મન્યું નયામસિ
સખિકેવ સચાવહૈ ।
અધસ્ તે અશ્મના મન્યું
ગુરુણાભિ નિ દધ્મસિ ॥

અભિ તિષ્ઠામિ તે મન્યું
પાર્ષ્ણિભ્યાં પ્રપદાભ્યામ્ ।
પરા તે દણ્ડ્યં વધં
પરા મન્યું સુવામિ તે ॥

હિરણ્યયઃ પન્થા આસીદ્
અરિત્રાણિ હિરણ્યયા ।
નાવો હિરણ્યયીર્ આસન્
યાભિઃ કુષ્ઠં નિરાવહમ્ ॥

સુપર્ણસુવને ગિરૌ
જાતં હિમવતસ્ પરિ ।
ધનૈર્ અભિ શ્રુતં યન્તિ
કુષ્ઠેહિ તક્મનાશનઃ ॥

યો ગિરિષુ જાયસે
વીરુધાં બલવત્તમઃ ।
કુષ્ઠેહિ તક્મનાશન
તક્માનં નાશયન્ન્ ઇતઃ ॥