પૈપ્પલાદ-સંહિતા · અધ્યાય 19.5

નમો દેવવધેભ્યો
નમો રાજવધેભ્યઃ ।
અથો યે વિશ્યાનાં વધાસ્
તેભ્યો મૃત્યો નમાંસિ તે ॥

નમસ્ તે અધિવાકાય
પરાવાકાય તે નમઃ ।
સુમત્યૈ મૃત્યો તે નમો
દુર્મત્યૈ ત ઇદં નમઃ ॥

નમસ્ તે યાતુધાનેભ્યો
નમસ્ તે ભેષજેભ્યઃ ।
મૂલેભ્યો મૃત્યો તે નમો
બ્રાહ્મણેભ્ય ઇદં નમઃ ॥

નવ ચ યા નવતિશ્ ચ
સંયન્તિ મન્યા અભિ ।
ઇતસ્ તાઃ સર્વા નશ્યન્તુ
વાકા અપચિતામ્ ઇવ ॥

સપ્ત ચ યાઃ સપ્તતિશ્ ચ
સંયન્તિ સ્કન્ધ્યા અભિ ।
(ઇતસ્ તાઃ સર્વા નશ્યન્તુ
વાકા અપચિતામ્ ઇવ) ॥

પઞ્ચ ચ યાઃ પઞ્ચાશચ્ ચ
સંયન્તિ ગ્રૈવ્યા અભિ ।
ઇતસ્ તાઃ સર્વા નશ્યન્તુ
વાકા અપચિતામ્ ઇવ ॥

આવયો અનાવયો
રસસ્ ત ઉગ્ર આવયો ।
આ તે કરમ્ભમ્ અદીમહિ
સ હિ ન ત્વમ્ અસિ યસ્
ત્વમ્ આત્માનમ્ આવયઃ ॥

બભ્રુશ્ ચ બભ્રુકર્ણશ્ ચ
નીલાકલશાલા ।
શવઃપશ્ય ॥

તૌવિલિકે ઽવેલયા-
-અવાયમ્ ઐલવ ઐલયીત્ ।
ઇહ સ્વામ્ આહુતિં
જુષાણો મનસા સ્વાહા ॥

સ્વાહા મનસા યદ્ ઇદં કૃણોમિ
યસ્યાસ્ ત આસઞ્ જુહોમિ ઘોરે ।
એષાં બદ્ધાનામ્ અવસર્જનાય કમ્ ॥

ભૂમિર્ ઇતિ ત્વાભિપ્રમન્વતે જના
નિરૃતિર્ ઇતિ ત્વાહં પરિ વેદ વિશ્વતઃ ।
ભૂતે હવિષ્મત્ય્ અસ્ય્ એષ તે ભગસ્
તેન તે વિધેયં સ્વાહા ॥

એવો ષ્વ્ અસ્મત્ ત્વં નિરૃતે વિશ્વવારે
અયસ્મયાન્ પ્ર મુમુગ્ધિ પાશાન્ ।
યમેન ત્વં યમ્યા સંવિદાના
યો અસ્માન્ દ્વેષ્ટિ યં વયં દ્વિષ્મસ્
તસ્મિન્ તાન્ પાશાન્ પ્રતિ મુઞ્ચ સર્વાન્ ॥

ઉત્તમો અસ્ય્ ઓષધીનાં
તવ વૃક્ષા ઉપસ્તયઃ ।
ઉપસ્તિર્ અસ્માકં ભૂયાદ્
યો ઽસ્માઁ અભિદાસતિ ॥

સબન્ધુશ્ ચાસબન્ધુશ્ ચ
યો ઽસ્માઁ અભિદાસતિ ।
સબન્ધૂન્ સર્વાંસ્ તીર્ત્વા-
-અહં ભૂયાસમ્ ઉત્તમઃ ॥

યથા સોમ ઓષધીનામ્
ઉત્તમં હવિર્ ઉચ્યતે ।
એવા ત્વમ્ ઇવ વૃક્ષાણામ્
અહં ભૂયાસમ્ ઉત્તમઃ ॥