પૈપ્પલાદ-સંહિતા · અધ્યાય 19.4

ઋતાવાનં વૈશ્વાનરમ્
ઋતસ્ય જ્યોતિષસ્ પતિમ્ ।
અજસ્રં ઘર્મમ્ ઈમહે ॥

સ ઇદં પ્રતિ પપ્રથદ્
યજ્ઞસ્ય સ્વર્ ઉત્તિરન્ ।
ઋતૂન્ ઉત્ સૃજતે વશી ॥

અગ્નિઃ પ્રિયેષુ ધામસુ
કામો ભૂતસ્ય ભવ્યસ્ય ।
સમ્રાડ્ એકો વિ રાજતિ ॥

પરિ દ્યામ્ ઇવ સૂર્યો
અહીનાં જનિમ્ આગમમ્ ।
રાત્રી જગદ્ ઇવાન્યદ્ ધંસાદ્
અવારીર્ ઇમં વિષમ્ ॥

યદ્ બ્રહ્મભિર્ યદ્ ઋષિભિર્
યદ્ દેવૈર્ ઉદિતં પુરા ।
યદ્ ભૂતં ભવ્યમ્ આસન્વત્
તેન તે વારયે વિષમ્ ॥

મધુનાપૃક્ષિ નદ્યઃ
પર્વતા ગિરયો મધુ ।
મધુ પરુષ્ણી શીપાલા
શમ્ આસ્ને અસ્તુ શં હૃદે ॥

યથેયમ્ ઉર્વી પૃથિવી
દાધાર વિષ્ઠિતં જગત્ ।
એવા તે ધ્રિયતાં ગર્ભો
અનુ સૂતું સવિતવે ॥

(…)
દાધારેમાન્ વનસ્પતીન્ ।
(…) ॥

યથેયમ્ ઉર્વી પૃથિવી
દાધાર પર્વતાન્ અપઃ ।
એવા તે ધ્રિયતાં ગર્ભો
અનુ સૂતું સુવિતવે ॥

સસ્રુષીસ્ તદ્ અપસો
દિવા નક્તં ચ સસ્રુષીઃ ।
વરેણ્યક્રતુર્ અહમ્
અપો દેવીર્ ઉપ બ્રુવે ॥

ઓક્તા આપઃ કર્મણ્યા
મુઞ્ચન્ત્વ્ ઇતઃ પ્રણીતયે ।
સદ્યો ભવન્ત્વ્ એતવે ॥

દેવસ્ય સવિતુઃ સવે
કર્મ કૃણ્વન્તિ માનુષાઃ ।
શં નો ભવન્ત્વ્ અપ ઓષધીર્ ઇમાઃ ॥

શતસ્ય તે ધમનીનાં
સહસ્રસ્ય હિરાણામ્ ।
અસ્થુર્ ઇન્ મધ્યમા યાઃ
સાકમ્ અન્તા અરંસત ॥

પરિ વઃ સિકતામયીર્
ધનૂસ્ તિરશ્ ચિદ્ અસ્થિરન્ ।
તિષ્ઠતેલયતા સુ કમ્ ॥

અમૂર્ યા યન્તિ જામયઃ
સર્વા લોહિતવાસસઃ ।
અભ્રાતર ઇવ યોષાસ્
તિષ્ઠન્તિ હતવર્ચસઃ ॥

તિષ્ઠાવરે તિષ્ઠ પર
ઉત ત્વં તિષ્ઠ મધ્યમે ।
કણિષ્ઠિકા ચ તિષ્ઠાતિ
તિષ્ઠાદ્ ઇદ્ ધમનિર્ મહી ॥