પૈપ્પલાદ-સંહિતા · અધ્યાય 19.3

શશ્વદ્ દિદ્યુત્ ક્રિયમાણા
પ્રતીચી નિ હિ પપ્તત્ ।
પ્રત્યક્ કર્તારમ્ ઋચ્છતુ ॥

શશ્વન્તમ્ ઇચ્ છાશદાનમ્
અન્યસ્મા ઇષું દિહાનમ્ ।
પ્રતીચી શરુર્ ઋચ્છતુ ॥

યદ્ એતદ્ ભૂરિ શાશદત્
પ્રતીચીનમ્ અપોહસે ।
વિષાદ્ ઇવ વિષમ્ અદ્ધિ તત્ ॥

નમસ્ તે પ્રવતો નપાદ્
યતસ્ તપઃ સમૂહસે ।
મૃડા નસ્ તનૂભ્યશ્
શં નસ્ તોકેભ્યસ્ કૃધિ ॥

પ્રવતો નપાન્ નમો અસ્તુ તુભ્યં
નમસ્ તે હેતયે તપુષ્યૈ ।
વિદ્મ તે ધામ પરમં ગુહા યત્
સમુદ્રે અન્તર્ નિહિતાસિ નાભિઃ ॥

યાં ત્વા દેવા અજનયન્ત વિશ્વ
ઇષું કૃણ્વાના અસનાય તૃષ્વીમ્ ।
સા નો મૃડ વિદથે ગૃણાના
મિત્રસ્ય ચ વરુણસ્ય પ્રશિષ્ટૌ ॥

યૂયં નઃ પ્રવતો નપાન્
મરુતઃ સૂર્યત્વચઃ ।
શર્મ યચ્છાથ સપ્રથઃ ॥

મમૃડતા સુષૂદતા
મૃડા નો અઘ્ન્યાભ્યઃ ।
તોકાય તન્વે ચ ॥

નમસ્ તે અસ્તુ વિદ્યુતે
નમસ્ તે સ્તનયિત્નવે ।
નમસ્ તે અસ્ત્વ્ અશ્મને
યેના દૂડાશે અસ્યસિ ॥

યો અસ્માન્ બ્રહ્મણસ્પતે
ઽદેવો અભિદાસતિ ।
સર્વં તં રીરધાસિ નઃ ॥

યેભિઃ સોમ સાહન્ત્ય-
-અસુરાન્ રન્ધયાસૈ ।
તેભિર્ નો ઽવિતા ભુવઃ ॥

યાનિ દેવા અસુરાણામ્
ઓજાંસ્ય્ અવૃણીધ્વમ્ ।
તેભિર્ નો અધિ વોચત ॥

ઉદ્ એનમ્ ઉત્તરં નય-
-અગ્ને ઘૃતેભિર્ આહુતઃ ।
સમ્ એનં વર્ચસા સૃજ
દેવાનાં ભાગધા અસત્ ॥

ઇન્દ્રેમં પ્રતરં કૃધિ
સજાતાનામ્ અસદ્ વશી ।
રાયસ્પોષેણ સં સૃજ
પ્રજયા ચ બહું કૃધિ ॥

યસ્ય કૃણ્મો ગૃહે હવિસ્
તમ્ અગ્ને વર્ધયા ત્વમ્ ।
તસ્મૈ સોમો અધિ બ્રુવદ્
અયં ચ બ્રહ્મણસ્પતિઃ ॥