પૈપ્પલાદ-સંહિતા · અધ્યાય 19.2

ત્વષ્ટા મે દૈવ્યં વચઃ
પર્જન્યો બ્રહ્મણસ્પતિઃ ।
પુત્રૈર્ ભ્રાતૃભિર્ અદિતિર્ નુ પાતુ નો
દુષ્ટરં ત્રામણે શવઃ ॥

અંશો ભગો વરુણો મિત્રો અર્યમા-
-અદિતિઃ પાત્વ્ અંહસઃ ।
અપ તસ્ય દ્વેષો ગમેદ્
અવિહ્રુતો યાવયાચ્ છત્રુમ્ ? અન્તિ તમ્? ॥

દેવ ત્વષ્ટર્ વર્ધય સર્વતાતયે
ધિયે સમ્ ઉ શ્રિયે પ્રાવતાન્ નઃ ।
ઉરુષ્યા ણ ઉરુતરાપ્રયુચ્છન્
દ્યૌષ્ પિતર્ યાવય દુચ્છુનામ્ ઇતઃ ॥

યે નો વચોભિર્ ઉત દંસનાભિસ્
તન્વં સોમ પરિતાપયન્તે ।
નીચૈસ્ તાન્ વૃશ્ચ ન યથા વિરુક્ષન્
મા તે દૃશન્ સૂર્યમ્ ઉચ્ચરન્તમ્ ॥

ત્વયેષ્વા ત્વયા સોમ ધન્વના
ત્વયા મુષ્ટિઘ્ના શાશદ્મહે વયમ્ ।
ત્વં તાન્ વૃશ્ચ ય ઇદં ન ? આદૃશાકરન્ ?
હનામ દણ્ડૈર્ ઉત દંસનાભિઃ ॥

પદેન તાન્ પદન્યો નયન્તુ
વધૈર્ એનાન્ પિતરો દંસયન્તુ ।
યથા ન જીવાત્ કતમશ્ ચનૈષામ્ ॥

યેન સોમાદિતિઃ પથા
મિત્રા વા યન્ત્ય્ અદ્રુહઃ ।
તેના નો ઽવિતા ભુવઃ ॥

યો નઃ સોમ સુશંસિનો
દુઃશંસો અભિદાસતિ ।
વજ્રેણાસ્ય મુખે જહિ
સ સંપિષ્ટો અપાયતિ ॥

યો નઃ સોમાભિદાસતિ
સનાભિર્ યશ્ ચ નિષ્ટિયઃ ।
અપ તસ્ય બલં તિર
મહીવ દ્યૌર્ વધ ત્મના ॥

પુનર્ અઘમ્ અઘકૃતમ્ એતુ દેવાઃ
પુનર્ એન એનસ્કૃતં વિજાનત્ ।
પુનઃ પુત્રઃ પિતરમ્ એતુ વિદ્વાન્
હતામ્ ઉત યદ્ અસ્ય સ્વમ્ અસ્તિ ॥

યેન ચાસૌ શપતિ
યેન ચૈનં શપામસિ ।
ઉભૌ સંવૃહ્ય તૌ તસ્માદ્
અન્તિકાદ્ ધેતિમ્ અસ્યતામ્ ॥

યે પાર્થિવાસઃ શપથા
ય ઉરાવ્ અન્તરિક્ષે ।
યે વાતસ્ય પ્રભર્મણિ
તેભિષ્ ટં વર્તયામસિ
યો ઽસ્માન્ દ્વેષ્ટિ યં વયં દ્વિષ્મઃ ॥

યે અસ્માન્ પરિસીસૃપુઃ
કુલીપયાનિ બિભ્રતઃ ।
ઉદ્ દેવસ્ તેષાં વૃશ્ચત
મૂલમ્ ઉર્વાર્વો યથા ॥

યદ્ દેવા અઘધા અઘમ્
અન્યસ્મિન્ન્ આ સિસંક્ષતિ ।
ભારો અઘસ્ય દુઃસહઃ
પ્રત્યક્ કર્તારમ્ ઋચ્છતુ ॥

પુનર્ એવાઘધામ્ અઘં
દ્યુમ્નમ્ ?ઇવૈતુર્ અર્ષતુ ।
આદિત્યાદુર્યામહિષા?
મહી સિન્ધોર્ ઇવાવનિઃ ॥