પૈપ્પલાદ-સંહિતા · અધ્યાય 19.26

અગ્નિશ્ ચ દેવ સવિતર્
ઇષમ્ ઊર્જં દધાનૌ ।
પાતં મા દુશ્ચરિતાદ્
આ મા સુચરિતે ભજતં
યુવયોર્ અવસા સુમ્નમ્ અશીય ॥

ઇદં તદ્ ઉપ યુવ ઇદં તદ્ ઉપ હ્વયે
યચ્ છુશ્રુમા ત્વત્ પરિ ।
વાચસ્પતિર્ નિ યચ્છતુ
મય્ય્ એવાસ્તુ મમ શ્રુતમ્ ॥

માપત્યાય સ્તેયં કરં
મા શ્રુતેન વિ રાધિષિ ।
અમોઘમ્ અસ્માકં શ્રાન્તમ્
અગ્ને દ્રવિણવત્ કૃધિ ॥

મધ્યમેષ્ઠા વર્ચસ્વત્યા-
-આયુષે વર્ચસે કૃતમ્ ।
વનુષ્વ વિશ્વદેવેષુ
વનુષ્વ ત્વં બૃહસ્પતૌ ॥

ઘૃતેન પ્રજાં વનુતે
ઘૃતેન રયિમ્ અશ્નુતે ।
ઘૃતેનાયુષ્યં વર્ચસ્યં
દેવેભ્યો વનુતે પરિ ॥

પર્જન્ય પિપ્પલાસ્ તુભ્યં
નદ્યો ગર્ભં સ્વસ્તયે ।
મર્યાદા બ્રહ્મદેવીર્
આયુષ્યં વર્ચ આસિચન્ ॥

યથા હસ્તી હસ્તિન્યાઃ
પદેન પદમ્ અન્વ્ અગાત્ ।
એવા ત્વમ્ અઘ્ન્યે વત્સસ્ય
પદેન પદમ્ અન્વ્ ઇહિ ॥

યથા રથસ્ય ચક્રે
વિ પથઃ પાંસુમ્ અસ્યથઃ ।
એવા મનો વ્ય્ અસ્યામિ
હૃદયં વનનાય કમ્ ॥

ઇન્દ્રસ્ય પ્રથમં વચો
દેવાનામ્ અપરં વચઃ ।
તૃતીયમ્ અશ્વિનોર્ વચસ્
તેન ગાં વાનયામસિ ॥

ઉદ્ ઇતઃ શ્યાવૌ વિથુરૌ
દિવં ગૃધ્રાવ્ ઇવેયથુઃ ।
શોચનાવ્ અતિશોચનાવ્
અસ્યોચ્છોચનૌ હૃદઃ ॥

શોચયાભિ શોચયા
દીપયોપ દીપય ।
અહેર્ અગ્ને વિષં ત્વં
તૃણમ્ ઇવ કલ્વલં દહ ॥

સીદતં નિષત્તારાવ્
અવેતં મોદ્ ગતમ્ ।
કૃષ્ણા વાં ગૌઃ સારસ્વતી ॥

યથા રાત્રી કૃષ્ણતમા
ગૌઃ કૃષ્ણા કૃષ્ણવર્તનિઃ ।
શાચીઃપ્યવો યથા રૂપમ્
એવેદં મામકં શિરઃ ॥

યથાઙ્ગરો ઽભિષિક્તો
દર્વિદાકો યથાસિતઃ ।
અનુષ્યઙ્ગસ્ય કલ્મષમ્
એવેદં મામકં શિરઃ ॥

યથા દાવાદ્ દહ્યમાનાત્
કૃષ્ણો જ્વાલો ઽપધ્વંસતે ।
નૈષાદ્ અસ્ય યથા મુખમ્
એવેદં મામકં શિરઃ ॥