પૈપ્પલાદ-સંહિતા · અધ્યાય 19.25

યૂપે ગર્તે વિદ્વેષણં
દેવાનાં વર્ચસા કૃતમ્ ।
અગ્નિર્ વામ્ અસ્ત્વ્ અન્તરા
યથા વાં ન સહાસતિ ॥

યથાહિં દ્વેષ્ટિ પુરુષો
અહિર્ વા દ્વેષ્ટિ પુરુષમ્ ।
ગિરિર્ વામ્ અસ્ત્વ્ અન્તરા
યથા વાં ન સહાસતિ ॥

નાનાનિ વામ્ આકૂતાનિ
નાના ચિત્તાનિ સન્તુ વામ્ ।
વિષ્વઞ્ચૌ પર્ય્ આ વર્તેથાં
યથા વાં ન સહાસતિ ॥

અત્ર દ્વે કમલે દ્વે તુણ્ડે
ન મશીકતં તં ગલાપતે ।
ભઙ્ગલાપતો (⟨ ભઙ્ગુરાવતો) દહ ॥

એતદ્ યત્ તે યદ્ વા યદ્ વા
ન ચાસન્ નો ચ તે ભવત્ ।
સ્વપ્ને વિત્તં યથા ધનં
નશ્યાદ્ ઇદ્ એતદ્ એતતઃ ॥

આગિલો ગિલાપાપચિતો ગિલ ।
નશ્યાદ્ બ્રધ્નકમ્ અર્ભકમ્ ॥

દીર્ઘાયુત્વાય સહસે
મહ્યા અરિષ્ટતાતયે ।
સુપર્ણો મહ્યમ્ અબ્રવીદ્
એતદ્ આશ્લિષ્ટભેષજમ્ ॥

સક્તૂન્ ઇવ તિતüના પુનન્તો
વિદ્વાંસો વાચમ્ અક્રત ।
અઙ્ગેભ્યો વિશ્વાઙ્ગેભ્યઃ
પ્ર તે છિનદ્મ્ય્ આશ્લિષ્ટમ્ ॥

અવચ્છિન્ધ્ય્ આશ્લિષ્ટમ્
ઊર્વા હ્ય્ અસિ ભેષજી ।
દિવ્યઃ સુપર્ણો અબ્રવિદ્
એતદ્ આશ્લિષ્ટભેષજમ્ ॥

અભિભૂર્ અહમ્ આગમં
વિશ્વકર્મા સ્વાયુધઃ ।
અહં મિત્રસ્ય કલ્પયન્ન્
આસ્વ્ આશાસુ દુષ્ટરઃ ॥

અહં સમિત્યયનો
અહં વિશાં પુરોહિતઃ ।
અહં મિત્રાણિ કલ્પયન્
મયિ વાગ્ અસ્તુ ધર્ણસી ॥

આ વશ્ ચક્ષુર્ આ વો વાચમ્
આ વઃ સમિતિં દદે ।
યોગક્ષેમં વ આદાય-
-અહં ભૂયાસમ્ ઉત્તમઃ ॥

બ્રહ્મણાગ્નિઃ સંવિદાનો
રક્ષોહા નુદતામ્ ઇતઃ ।
અરાયો યસ્ તે તન્વં
દુર્ણામા યોનિમ્ આશયે ॥

યસ્ તે ઽરાયસ્ તન્વં
દુર્ણામા યોનિમ્ આશયે ।
અગ્નિષ્ ટં બ્રહ્મણા યુજા
રક્ષોહા નુદતામ્ ઇતઃ ॥

યાન્ય્ અભ્વાનિ રક્ષાંસિ
યે ઽરાયા યાતુધાન્યઃ ।
અગ્નિષ્ ટ્વા શગ્મયા તન્વા
રક્ષોહા પાતુ તેભ્યઃ ॥