પૈપ્પલાદ-સંહિતા · અધ્યાય 19.23

સાહસી નામ વા અસિ
સહસસ્ પરિ જજ્ઞિષે ।
સહસ્વાન્ ઇન્દ્રો દેવેષુ
સહસે ત્વા ખનામસિ ॥

સહસ્યેન ભેષજેન
દિવ્યેન શતપર્વણા ।
તેન સહસ્રકાણ્ડેન
કૃણોમિ પુનરાભૃતિમ્ ॥

સહસો ઽહં ભેષજસ્ય
દિવ્યસ્ય નામ જગ્રભ ।
વ્ય્ આશિષૈવ તસ્થિરે
યક્ષ્માસઃ પુરુષાદ્ અધિ ॥

અપેત એતુ નિરૃતિર્
નેહાસ્યા અપિ કિં ચન ।
અપાસ્યાઃ સત્વનઃ પાશાન્
મૃત્યૂન્ એકશતં નુદે ॥

યે તે પાશા એકશતં
મૃત્યો મર્ત્યાય હન્તવે ।
તાંસ્ તે યજ્ઞસ્ય માયયા
સર્વાઁ અપ યજામસિ ॥

નિર્ ઇતો યન્તુ નૈરૃતા
મૃત્યવ એકશતં પરઃ ।
સેધામ એષાં યત્ તમઃ
પ્રાણં જ્યોતિશ્ ચ દધ્મહે ॥

ત્રિષપ્તા વારણા ઇમાસ્
તાભિર્ મામ્ ઇન્દ્રો અબ્રવીત્ ।
વિષં વારયતામ્ ઇતિ
વિષં દૂષયતાદ્ ઇતિ ॥

અપ બ્રૂતેદં મરુતો
મહીન્દ્રસ્યાપવાચની ।
એષા સહસ્રમ્ અર્હત્ય્
એષા વારયતે વિષમ્ ॥

અસ્થાદ્ દ્યૌર્ અસ્થાત્ પૃથિવ્ય્
અસ્થાદ્ વિશ્વમ્ ઇદં જગત્ ।
અસ્થુર્ વિષસ્યાભીતયઃ
પ્રતિકૂલ ઇવાબલઃ ॥

યથા બાણઃ સુસંશિતઃ
પરાપતત્ય્ આશુમત્ ।
એવા કાશે પરા પત
સાકં વાતસ્ય ધ્રાજ્યા ॥

યથા ચક્ષુશ્ ચક્ષુષ્મતઃ
પરાપતતિ કેતુમત્ ।
(…)
સાકં સૂર્યસ્ય રશ્મિભિઃ ॥

યથા મનો મન્યુકેતું
પરાપતતિ યોજના ।
એવા કાશે પરા પતત્
સમુદ્રસ્યાનુ વિક્ષરમ્ ॥

ઇત એવાવ ગચ્છત-
-ઉગ્રા ભવત માબલાઃ ।
હ્વયન્તુ સર્વે વો દેવાઃ
સર્વા વો વૃણતાં વિશઃ ॥

યદ્ અવગમેન હવિષા-
-અવ વો ગમયામસિ ।
અત્રાત ઇન્દ્રઃ કેવલીર્
વિશો બલિહૃતઃ કરત્ ॥

ઇન્દ્રઃ કશ્યપ આદ્ અગ્નિર્
ઇડા તુરીયા વઃ સખા ।
યદ્ ભૂતં ભવ્યમ્ આસન્વત્
તેનાવ ગમયામિ વઃ ॥