પૈપ્પલાદ-સંહિતા · અધ્યાય 19.24

ન તં યક્ષ્મા અરુન્ધતે
નૈનં શપથો અશ્નુતે ।
યં ભેષજસ્ય ગુલ્ગુલોઃ
સુરભિર્ ગન્ધો અશ્નુતે ॥

યં ગુલ્ગુલોર્ ભેષજસ્ય
સુરભિર્ ગન્ધો અશ્નુતે ।
વિષ્વઞ્ચસ્ તસ્માદ્ યક્ષ્મા
મૃગા ઇષ્વા ઇવેરતે ॥

યદ્ ગુલ્ગુલુ સૈન્ધવં
યદ્ વા ઘાસિ સમુદ્રિયમ્ ।
ઉભયોર્ અગ્રભં નામ-
-અસ્મા અરિષ્ટતાતયે ॥

દેવા એતં મધુના સંયુતં યવં
સરસ્વત્યામ્ અધિ મણાવ્ અચર્કૃષુઃ ।
ઇન્દ્ર આસીત્ સીરપતિઃ શતક્રતુઃ
કીનાશા આસન્ મરુતઃ સુદાનવઃ ॥

બૃહત્પલાશે સુભગ
ઊર્ધ્વસ્વપ્ન ઋતાવરિ ।
માતેવ પુત્રેભ્યો મૃડ
કેશેભ્યો નઃ શમિ ॥

યસ્ તે મદો +ઽવકેશો યો વિકેશો
યેનાભિહસ્યં પુરુષં કૃણોષિ ।
ભ્રૂણઘ્નોવિરિવારા (ચ્) ચર ત્વં
તસ્ય તે પ્રજાયાઃ સુવામિ કેશાન્ ॥

આકૂતિં દેવીં સુભગાં પુરો દધે
ચિત્તસ્ય માતા સુહવા નો અસ્તુ ।
યામ્ આશામ્ એમિ કેવલી સા મે અસ્તુ
વિદેયમ્ એનાં મનસિ પ્રવિષ્ટામ્ ॥

આકૂત્યા નો બૃહસ્પત
આકૂત્યા ન ઉપા ગહિ ।
અથો ભગસ્ય નો ધેહ્ય્
અથો નઃ સુહવો ભવ ॥

બૃહસ્પતિર્ મ આકૂતિમ્ આઙ્ગિરસઃ
પ્રતિ જાનાતુ વાચમ્ એતામ્ ।
યસ્ય દેવા દેવતાઃ સમ્બભૂવુઃ
સુષુપ્રણીઃ કામો અન્વ્ એત્વ્ અસ્માન્ ॥

મનો ન્વ્ આહ્વામહિ
નારાશંસેન સ્તોમેન ।
પિતૄણાં ચ મન્મભિઃ ॥

આ ન એતુ મનઃ પુનઃ
ક્રત્વે દક્ષાય જીવસે ।
જ્યોક્ ચ સૂર્યાય દૃશે ॥

પુનર્ નઃ પિતરો મનો
દદાતુ દૈવ્યો જનઃ ।
જીવં વ્રાતં સચેમહિ ॥

વયં સોમ વ્રતે તવ
મનસ્ તનૂષુ બિભ્રતઃ ।
પ્રજાવન્તઃ સચેમહિ ॥

વર્ચો મે મિત્રાવરુણા
વર્ચો દેવી સરસ્વતી ।
વર્ચો મે અશ્વિનોભા
ધત્તં પુષ્કરસ્રજા ॥

યચ્ ચ વર્ચો યજમાને
યચ્ ચ યજ્ઞે ઽધ્ય્ આહિતમ્ ।
સુરાયાં બભ્રુ યદ્ વર્ચસ્
તસ્ય ભક્ષીય વર્ચસઃ ॥

યા ઉત્સેભ્યઃ પ્રસ્રવન્તિ
દિવો ધારા નદીભ્યઃ ।
તાસાં ત્વા સર્વાસામ્ અપામ્
અભિ ષિઞ્ચામિ વર્ચસા ॥

યદ્ રાજાનં શકધૂમં
નક્ષત્રાણ્ય્ અકૃણ્વત ।
ભદ્રાહમ્ અસ્મૈ પ્રાયચ્છન્
તતો રાષ્ટ્રમ્ અજાયત ॥

ભદ્રાહમ્ અસ્તુ નઃ સાયં
ભદ્રાહં પ્રાતર્ અસ્તુ નઃ ।
ભદ્રાહમ્ અસ્મભ્યં ત્વં
શકધૂમ સદા કૃણુ ॥

યો નો ભદ્રાહમ્ અકરઃ
સાયં પ્રાતર્ અથો દિવા ।
તસ્મૈ તે નક્ષત્રરાજ
શકધૂમ સદા નમઃ ॥

યદ્ આહુઃ શકધૂમાહં નક્ષત્રાણાં
પ્રથમજં જ્યોતિર્ અગ્રે ।
તન્ નઃ સનિં મધુમતીં કૃણોતુ
રયિં ચ નઃ સર્વવીરં નિ યચ્છાત્ ॥