પૈપ્પલાદ-સંહિતા · અધ્યાય 19.1

દોષો ગાય બૃહદ્ ગાય
દ્યુમદ્ ગાયાથર્વણ ।
સ્તુહિ દેવં સવિતારમ્ ॥

તમ્ ઉ સ્તુહ્ય્ અન્તઃસિન્ધું
સૂનું સત્યસ્ય યુવાનમ્ ।
અદ્રોઘવાચં સુશેવમ્ ॥

સ ઘા નો દેવઃ સવિતા-
-આસાવિષદ્ વસુપતિર્ વસૂનિ ।
ઉભે સુષ્ટુતી સુગાતુમ્ ॥

ઇન્દ્રાય સોમમ્ ઋત્વિજઃ
સુનોતના ચ ધાવત ।
સ્તોતુર્ યો હવં શૃણવદ્ ધવં ચ નઃ ॥

સુનોતા સોમપાવ્ને
સોમમ્ ઇન્દ્રાય વજ્રિણે ।
યુવા જેતેશાનઃ સ પુરુષ્ટુતઃ ॥

આ ત્વા વિશન્ત્વ્ ઇન્દવો
વયો ન વૃક્ષમ્ અન્ધસઃ ।
વિરપ્શિન્ વિ મૃધો જહિ રક્ષસ્વિનીઃ ॥

આરે અસાવ્ અસ્મદ્ અસ્તુ
હેતિર્ દેવાસો અસત્ ।
આરે મર્તાનામ્ અશસ્તિઃ ॥

સખૈવ નો રાતિર્ અસ્તુ
સખેન્દ્રઃ સખા સવિતા ।
સખા ભગઃ સત્યધર્મા નો અસ્તુ ॥

અભિ નો દેવીર્ અવસા
મહાશર્મણા નૃપત્નીઃ ।
અચ્છિન્નપત્રાઃ સચન્તામ્ ॥

ઈડે અગ્નિં ભવં સર્વં રક્ષ ઉબ્જદ્
અહિં બલાસમ્ ઉત સેદિમ્ ઉગ્રામ્ ।
આરે અસ્મદ્ અદિતે દૈવ્યં ભયં
સુવીર્યં મરુતઃ શર્મ યચ્છત ॥

ઈડે દ્યાવાપૃથિવી પર્વતાઁ અપઃ
સ્વઃ સૂર્યમ્ ઉર્વ્ અન્તરિક્ષમ્ ।
વનસ્પતીન્ ઓષધીર્ ગા ઉત ર્ચ
ઋતસ્ય નઃ પતયો મૃડયન્તુ ॥

હુવે વિષ્ણું પૂષણં બ્રહ્મણસ્પતિં
ભગં નુ શંસં સવિતારમ્ ઊતયે ।
ઇહ સોમો વરુણો વાયુર્ અગ્નિર્
ભગ ઉગ્રા અવસે નો ગમન્તુ ॥

પાતં ન ઇન્દ્રાપૂષણા
વરુણઃ પાન્તુ મરુતઃ ।
અપાં નપાત્ સિન્ધવઃ સપ્ત પાતન
પાતુ વિષ્ણુર્ ઉત દ્યૌઃ ॥

પાતાં નો દ્યાવાપૃથિવી અભિષ્ટયે
પાતુ ગ્રાવા પાતુ સોમો નો અંહસઃ ।
પાતુ નો દેવી સુહવા સરસ્વતી
પાત્વ્ અગ્નિર્ યે શિવા અસ્ય પાયવઃ ॥

પાતાં નો દેવાશ્વિના સુદંસસા-
-ઉષાસાનક્તોત ન ઉરુષ્યતામ્ ।
અપાં નપાદ્ અવિહ્રુતી કયસ્ય ચિદ્
દેવો મૂર્ધન્ન્ અદિતે શર્મ યચ્છ નઃ ॥