પૈપ્પલાદ-સંહિતા · અધ્યાય 18.77

શમ્ અગ્ને પશ્ચાત્ તપ શં પુરસ્તાચ્
છમ્ અધરાત્ તપ જાતવેદઃ ।
એકસ્ ત્રેધા વિહિતો જાતવેદઃ
સમ્યઙ્ એનં દક્ષિણાગ્નિઃ ॥

પદ્માનમ્ અગ્નેર્ વિહિતસ્ય બ્રહ્મણા
સમઙ્ગનં ધેહિ સુકૃતામ્ ઉલોકમ્ ।
તમ્ અગ્નયઃ સમિદ્ધા આ ભરન્તાં
પ્રજાપત્યં મેધ્યં જાતવેદસઃ ।
શૃતં કૃણ્વન્ત ઇહ મા વિ ચક્ષણન્ ॥

યજ્ઞ એતિ વિતતઃ કલ્પમાન
ઈજાનો અભિ લોકં સ્વર્ગમ્ ।
તમ્ અગ્નયઃ સર્વહુતં જુષન્તાં
તમ્ અસ્મિં દેવા જાનતાં ભાગધેયમ્ ॥

ઈજાનશ્ ચિત્તમ્ આરુક્ષદ્ અગ્નિં
નાકસ્ય પૃષ્ઠં દિવમ્ ઉત્પતિષ્યન્ ।
તસ્મૈ પ્ર ભાતુ નભસો જ્યોતિષીમાન્
સ્વર્ગઃ પન્થા વિતરો દેવયાનઃ ॥

અગ્નિર્ હોતાધ્વર્યુષ્ ટે બૃહસ્પતિર્
ઇન્દ્રો બ્રહ્મા દક્ષિણતસ્ તે અસ્તુ ।
હુતો ઽયં સંસ્થિતો યજ્ઞ એતુ
યત્ર પૂર્વમ્ અયનં હુતાનામ્ ॥

અપૂપવાન્ ક્ષીરવાંશ્ ચરુર્ એહ સીદતુ -
-ઉત્તભ્નુવન્ પૃથિવીં દ્યામ્ ઇવોપરિ ।
લોકકૃતઃ પથિકૃતો યજામહે
યે દેવાનાં ઘૃતભાગા ઇહ સ્થ ॥

અપૂપવાન્ દ્રપ્સવાંશ્ ચરુર્ એહ (…) ॥

અપૂપવાન્ દધિવાંશ્ ચરુર્ એહ (…) ॥

અપૂપવાન્ ઘૃતવાંશ્ ચરુર્ એહ (…) ॥

અપૂપવાન્ માંસવાંશ્ ચરુર્ એહ (…) ॥