પૈપ્પલાદ-સંહિતા · અધ્યાય 18.76

આ રોહત જનિત્રીં જાતવેદસઃ
પિતૃયાનૈઃ સં વ આ રોહયામિ ।
અવાડ્ ઢ્વ્યેષિતા હવ્યવાહ
ઈજાનં યુક્તાઃ સુકૃતં ધત્ત લોકે ॥

દેવા યજ્ઞમ્ ઋતવઃ કલ્પયન્તિ
હવિઃ પુરોડાશાં સ્રુચો યજ્ઞ આયુધાનિ ।
તેભિર્ યાહિ પથિભિર્ દેવયાનૈર્
યૈર્ ઈજાનાઃ સ્વર્ગં યન્તિ લોકમ્ ॥

ઋતસ્ય પન્થામ્ અનુ પશ્ય સાધ્વ્
અઙ્ગિરસઃ સુકૃતો યેન યન્તિ
વ્રધ્નસ્ય વિષ્ટપ્ય્ અધિ વિ ક્રમસ્વ
યત્રાદિત્યા અમૃતમ્ ઈક્ષયન્તિ ॥

ત્રયઃ સુપર્ણા ઉપરસ્યાસખાયૂ
નાકસ્ય પૃષ્ઠે અધિ વિષ્ટપિ શ્રિતાઃ ।
સ્વર્ગા લોકા અમૃતેન વિષ્ટા
કામંકામં યજમાનાય દુહ્રામ્ ॥

જુહૂર્ દાધાર દ્યામ્ ઉપહૃદ્ અન્તરિક્ષં
ધ્રુવાં દાધાર પૃથિવીં પ્રતિષ્ઠામ્ ।
પ્રતિમા લોકાનાં ઘૃતપૃષ્ઠા પ્રપીનાં
સ્વધામ્ ઊર્જં યજમાનાય દુહ્રામ્ ॥

ધ્રુવ આ રોહ પૃથિવીં વિશ્વવેદસમ્
અન્તરિક્ષમ્ ઉપહૃદ્ આ ક્રમસ્વ ।
જુહુ દ્યાં ગચ્છ યજમાનેન સાકં
સ્રુવેન વત્સેન દિશઃ પ્રપીનાઃ
સર્વા ધુક્ષા અહૃણીયમાનાઃ ॥

તીર્થૈસ્ તરન્તિ પ્રવતો મહીર્ અનુ
યજ્ઞકૃતઃ સુકૃતો યેન યન્તિ ।
અત્રાભજં યજમાનાય લોકં
દિશો ભૂતાનિ મયિ કલ્પયન્ત ॥

અઙ્ગિરસામ્ અયનં પૂર્વો અગ્નિર્
આદિત્યાનામ્ અયનં ગાર્હપત્યો
દક્ષિણાનામ્ અયનં દક્ષિણાગ્નિઃ ।
પદ્માનમ્ અગ્નેર્ વિહિતસ્ય બ્રાહ્મણા
સમઙ્ગઃ સર્વ ઉપ યાહિ શગ્મમ્ ॥

પૂર્વો અગ્નિસ્ ત્વા તપતુ શં પુરસ્તાચ્
છં પશ્ચાત્ તપતુ ગાર્હપત્યઃ ।
દક્ષિણાગ્નિસ્ તપતુ શર્મ વર્મ-
-ઉત્તરતો મધ્યતો અન્તરિક્ષાદ્
દિશોદિશો અગ્ને પરિ પાહિ ઘોરાત્ ॥

યૂયમ્ અગ્ને શન્તમાભિસ્ તનૂભિર્
ઈજાનો અભિ લોકં સ્વર્ગમ્ ।
અશ્વ ભૂત્વા પૃષ્ટિવાહો વહાથ
યત્ર દેવૈઃ સધમાદં મદન્તિ ॥