પૈપ્પલાદ-સંહિતા · અધ્યાય 18.78

અપૂપવાન્ યવવાંશ્ ચરુર્ એહ સીદતુ -
-ઉત્તભ્નુવન્ પૃથિવીં દ્યામ્ ઇવોપરિ ।
લોકકૃતઃ પથિકૃતો યજામહે
યે દેવાનાં ઘૃતભાગા ઇહ સ્થ ॥

અપૂપપિહિતાન્ કુમ્ભાન્
યાંસ્ તે દેવા અધારયન્ ।
તે તે સન્તુ સ્વધાવન્તો
મધુમન્તો ઘૃતશ્ચુતઃ ॥

યાસ્ તે ધાના અનુકિરામિ
તિલમિશ્રાઃ સ્વધાવતીઃ ।
તાસ્ તે સન્તુ વિભ્વીઃ પ્રભ્વીસ્
તાસ્ તે રાજાનુ મન્યતાં
યમો અક્ષિતં ભૂયાંસમ્ ॥

દ્રપ્સશ્ ચસ્કન્દ પ્રથમામ્ અનુ દ્યામ્
ઇમં ચ યોનિમ્ અનુ યશ્ ચ પૂર્વઃ ।
ઋતસ્ય યોનિમ્ અનુ સંચરન્તં
દ્રપ્સં જુહોમ્ય્ અનુ સપ્ત હોત્રાઃ ॥

શતધારં વાયુમ્ અર્કં સ્વર્વિદં
નૃચક્ષસસ્ તે અભિ ચક્ષતે રયિમ્ ।
યે ગૃણન્તિ પ્ર ચ યક્ષન્તિ સર્વદા
તે દુહ્રતે દક્ષિણાં સપ્તમાતરમ્ ॥

ઉત્સન્ દુહન્તિ કલશં ચતુર્બિલં
મૃડાં ધેનું મધુમતીં સ્વસ્તયે ।
ઊર્જં મદન્તીમ્ અદિતિં જનેષ્વ્
અગ્ને મા હિંસીઃ પરમે વ્યોમન્ ॥