પૈપ્પલાદ-સંહિતા · અધ્યાય 18.57

ઓ ચિત્ સખાયં સખ્યા વવૃત્યાં
તિરઃ પુરૂ ચિદ્ અર્ણવં જગન્વાન્ ।
પિતુર્ નપાતમ્ આ દધીત વેધા
અધિ ક્ષમિ પ્રતરં દીધ્યાનઃ ॥

ન તે સખા સખ્યં વષ્ટ્ય્ એતત્
સલક્ષ્મા યદ્ વિષુરૂપા ભવાતિ ।
સહસ્ પુત્રાસો અસુરસ્ય વીરા
દિવો ધર્તાર ઉર્વિયા પરિ ખ્યન્ ॥

ઉશન્તિ ઘા તે અમૃતાસ એતદ્
એકસ્ય ચિત્ ત્યજસં મર્ત્યસ્ય ।
નિ તે મનો મનસિ ધાય્ય્ અસ્મે
જન્યુઃ પતિસ્ તન્વમ્ આ વિવિશ્યાઃ ॥

ન યત્ પુરા ચકૃમા કદ્ ધ નૂનમ્
ઋતં વદન્તો અનૃતં રપેમ ।
ગન્ધર્વો અપ્સ્વ્ અપ્યા ચ યોષા
સા નો નાભિઃ પરમં જાતમન્ નૌ ॥

ગર્ભે નૂ નૌ જનિતા દમ્પતી કર્
દેવસ્ ત્વષ્ટા સવિતા વિશ્વરૂપઃ ।
નકિર્ અસ્ય પ્ર મિનન્તિ વ્રતાનિ
વેદ નાવ્ અસ્ય પૃથિવી ઉત દ્યૌઃ ॥

કો અદ્ય યુઙ્ક્તે ધુરિ ગા ઋતસ્ય
શિમીવતો ભામિનો દુર્હણાયૂન્ ।
આસન્નિષૂન્ હૃતસ્વસો મયોભૂન્
ય એષાં ભૃત્યામ્ ઋણધત્ સ જીવાત્ ॥

કો અસ્ય વેદ પ્રથમસ્યાહ્નઃ
ક ઈં દદર્શ ક ઇહ પ્ર વોચત્ ।
બૃહન્ મિત્રસ્ય વરુણસ્ય ધામ
કદ્ ઉ બ્રવ આહનો વીચ્યા નૄન્ ॥

યમસ્ય મા યમ્યં કામ આગન્
સમાને યોનૌ સહશેય્યાય ।
જાયેવ પત્યે તન્વં રિરિચ્યાં
વિ ચિદ્ વૃહેવ રથ્યેવ ચક્રા ॥

ન તિષ્ઠતિ ન નિ મિષન્ત્ય્ એતે
દેવાનાં સ્પશ ઇહ યે ચરન્તિ ।
અન્યેન મદ્ આહનો યાહિ ભૂયં
તેન વિ વૃહ રથ્યેવ ચક્રા ॥

રાત્રીભિર્ અસ્મા અહભિર્ દશસ્યેત્
સૂર્યસ્ય ચક્ષુર્ મુહુર્ ઉન્ મિમીયાત્ ।
દિવા પૃથિવ્યા મિથુના સબન્ધૂ
યમીર્ યમસ્ય વિવૃહેદ્ અજામિ ॥