પૈપ્પલાદ-સંહિતા · અધ્યાય 18.58

આ ઘા તા ગચ્છાન્ ઉત્તરા યુગાનિ
યત્ર જામયઃ કૃણવન્ન્ અજામિ ।
ઉપ બર્બૃહિ વૃષભાય બાહુમ્
અન્યમ્ ઇચ્છસ્વ સુભગે પતિં મત્ ॥

કિં ભ્રાતાસદ્ યદ્ અનાથં ભવાતિ
કિમ્ ઉ સ્વસા યન્ નિરૃતિર્ નિગચ્છાત્ ।
કામમૂતા બહ્વ્ એતદ્ રપામિ
તન્વા મે તન્વં સં પિપૃગ્ધિ ॥

ન વા ઉ તે તન્વા તન્વં સં પપૃચ્યાં
પાપમ્ આહુર્ યઃ સ્વસારં નિગચ્છાત્ ।
અન્યેન મત્ તઃ પ્રમુદઃ કલ્પયસ્વ
ન તે ભ્રાતા સુભગે વષ્ટ્ય્ એતત્ ॥

ન તે નાથં યમ્ય્ અત્રાહમ્ અસ્મિ
ન તે નૂનં તન્વા સં પપૃચ્યામ્ ।
અસંયદ્ એતન્ મનસો હૃદો મે
ભ્રાતા સ્વસુઃ શયને યચ્ છયીય ॥

બતો બતાસિ યમ
નૈવ તે મનો હૃદયં ચાવિદામ ।
અન્યા કિલ ત્વાં કક્ષેવ યુક્તં
પરિ ષ્વજાતે લિબુજેવ વૃક્ષમ્ ॥

તસ્ય વા ત્વં મન ઇચ્છ સ વા તવ-
-અધા કૃણુસ્વ સંવિદં સુભદ્રામ્ ॥

ત્રીણિ છન્દાંસિ કવયો વિ ચેતિરે
પુરુરૂપં દર્શતં વિશ્વચક્ષણમ્ ।
વાતા આપ ઓષધયસ્
તાન્ય્ એકસ્મિન્ ભુવન આર્પિતાનિ ॥

વૃષા વૃષ્ણે દુદુહે દોહસા દિવઃ
પયાંસિ યહ્વો અદિતેર્ અદાભ્યઃ ।
વિશ્વં સ વેદ વરુણો યથા ધિયા
સ યજ્ઞિયો યજતિ યજ્ઞિયાઁ ઋતૂન્ ॥

રપદ્ ગન્ધર્વીર્ અપ્યા ચ યોષણા
નદસ્ય નાદે પરિ પાતુ નો મનઃ ।
ઇષ્ટસ્ય મધ્યે અદિતિર્ નુ પાતુ નો
ભ્રાતા નો જ્યેષ્ઠઃ પ્રથમો વિ વોચતિ ॥

સો ચિન્ નુ ભદ્રા ક્ષુમતિ યશસ્વત્ય્
ઉષા ઉવાસ મનવે સ્વર્વતી ।
યદ્ ઈમ્ ઉશન્તમ્ ઉશતામ્ અનુ ક્રતુમ્
અગ્નિં હોતારં વિદથાય જીજનન્ ॥