પૈપ્પલાદ-સંહિતા · અધ્યાય 18.56

સપ્તભિઃ પરાઙ્ તપસ્ય્ એકયાર્વાઙ્
અશસ્તિમ્ એષિ સુદિને બાધમાનઃ ।
ત્વં તૃતં ત્વં પર્ય્ એષ્વિત્સં
સહસ્રધારં વિતથં સ્વર્વિદં
તવેદ્ વિષ્ણો બહુધા વીર્યાણિ ।
ત્વં નઃ પૃણીહિ પશુભિર્ વિશ્વરૂપૈઃ
સ્વધાયં નો ધેહિ પરમે વ્યોમન્ ॥

ત્વમ્ ઇન્દ્રસ્ ત્વં મહેન્દ્રંસ્
ત્વં વિષ્ણુસ્ ત્વં પ્રજાપતિઃ ।
તુભ્યં યજ્ઞો વિ તાયતે
તુભ્યં જુહ્વતિ જુહ્વતસ્
તવેદ્ વિષ્ણો બહુધા વીર્યાણિ ।
ત્વં નઃ પૃણીહિ પશુભિર્ વિશ્વરૂપૈઃ
સ્વધાયં નો ધેહિ પરમે વ્યોમન્ ॥

અસતિ સત્ પ્રતિષ્ઠિતં
સતિ ભૂતં પ્રતિષ્ઠિતમ્ ।
ભૂતં હ ભવ્ય આહિતં
ભવ્યં ભૂતે સમાહિતં
તવેદ્ વિષ્ણો બહુધા વીર્યાણિ ।
ત્વં નઃ પૃણીહિ પશુભિર્ વિશ્વરૂપૈઃ
સ્વધાયં નો ધેહિ પરમે વ્યોમન્ ॥

શુક્રો ઽસિ ભ્રાજો ઽસિ ।
સ યથા ત્વં ભ્રાજતો ભ્રાજો ઽસ્ય્
એવાહં ભ્રાજતો ભ્રાજ્યાસમ્ ॥

રુચિર્ અસિ રોચો ઽસિ ।
સ યથા ત્વં રુચ્યા રોચો ઽસ્ય્
એવાહં પ્રજયા પશુભિર્
બ્રાહ્મણવર્ચસેન રોચિષીય ॥

ઉદ્યતે નમ ઉદાયતે નમ ઉદિતાય નમઃ ।
વિરાજે નમઃ સ્વરાજે નમઃ સમ્રાજે નમઃ ॥

અસ્તંયતે નમો ઽસ્તમેષ્યતે નમો ઽસ્તમિતાય નમઃ ।
વિરાજે નમઃ સ્વરાજે નમઃ સમ્રાજે નમઃ ॥

આદિત્ય નાવમ્ આરુક્ષં
શતારિત્રાં સ્વસ્તયે ।
અહર્ નો અદ્ય પીપરદ્
રાત્રી સત્રાતિ પારયાત્ ॥

સૂર્ય નાવમ્ આરુક્ષં
શતારિત્રાં સ્વસ્તયે ।
રાત્રી નો અદ્ય પીપરદ્
અહઃ સત્રાતિ પારયાત્ ॥

પ્રજાપતેર્ આવૃતો બ્રહ્મણા વર્મણાહં
કશ્યપસ્ય જ્યોતિષા વર્ચસા ચ ।
જરદષ્ટિઃ કૃતવીર્યો વિહાયાઃ
સહસ્રાયુઃ સુકૃતશ્ ચરેયમ્ ॥

ઋતેન ગુપ્ત ઋતુભિશ્ ચ સર્વૈર્
ભૂતેન ગુપ્ત ઉત ભવ્યેન ચાહમ્ ।
મા મા પ્રાપન્ન્ ઇષવો દૈવ્યા યા
મા માનુષીર્ અવસૃષ્ટા વધાય ॥

પરિવૃતો બ્રહ્મણા વર્મણાહં
કશ્યપસ્ય જ્યોતિષા વર્ચસા ચ ।
મા મા પ્રાપત્ પાપ્મા મોત મૃત્યુર્
અન્તર્ દધે સલિલેન વાચઃ ॥

અગ્નિર્ મા ગોપાઃ પરિ પાતુ વિશ્વતો
વ્યુચ્છન્તીર્ ઉષસઃ પર્વતા ધ્રુવા ।
ઉદ્યન્ સૂર્યો નુદતાં મૃત્યુપાશાન્
સહસ્રં પ્રાણા મયિ તે રમન્તામ્ ॥