પૈપ્પલાદ-સંહિતા · અધ્યાય 18.37
યસ્યોદ્ધૃતેષ્વ્ અગ્નિષ્વ્ અહુતે અગ્નિહોત્ર એવં વિદ્વાન્ વ્રાત્યો ઽતિથિઃ ।
સ્વયમ્ એનમ્ અભ્યુદેત્ય બ્રૂયાદ્
વ્રાત્ય ક્વાવાત્સીર્ ઇતિ વ્રાત્યો દકમ્ ઇતિ વ્રાત્ય તર્પયન્ત્વ્ ઇતિ ॥
યદ્ આહ વ્રાત્ય ક્વાવાત્સીર્ ઇતિ પથ એવ તેન દેવયાનાન્ અવ રુન્ધે ।
(યદ્ આહ) વ્રાત્યોદકમ્ ઇત્ય્ અપ એવ તેનાવ રુન્ધે ।
યદ્ આહ વ્રાત્ય તર્પયન્ત્વ્ ઇતિ પ્રાણમ્ એવ તેન
વર્ષાયાં સં કૃણુતે ॥
પુરાગ્નિહોત્રસ્ય હવનાદ્ ઉપાંશુ કૃણ્વીત ।
વ્રાત્ય યથા તે પ્રિયં તથાસ્ત્વ્ ઇતિ
વ્રાત્ય યથા તે નિકામસ્ તથાસ્ત્વ્ ઇતિ
વ્રાત્ય યથા તે વશસ્તથાસ્ત્વ્ ઇતિ ॥
યદ્ આહ વ્રાત્ય યથા તે પ્રિયં તથાસ્ત્વ્ ઇતિ
પ્રિયમ્ એવ તેનાવ રુન્ધે પ્રિયે પ્રિયસ્ય ભવત્ય્
ઐનં પ્રિયં ગચ્છતિ ય એવં વેદ ॥
(યદાહ વ્રાત્ય યથા) તે નિકામસ્ તથાસ્ત્વ્ ઇતિ નિકામમ્ એવ તેનાવ રુન્ધે
નિકામે નિકામમ્ અસ્ય ભવત્ય્ ઐનં નિકામો ગચ્છતિ (ય એવં વેદ) ।
યદ્ આહ વ્રાત્ય યથા તે વશસ્ તથાસ્ત્વ્ ઇતિ
વશમ્ એવ તેનાવ રુન્ધે વશી વશસ્ય ભવત્ય્
ઐનં વશો ગચ્છતિ ય એવં વેદ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0