પૈપ્પલાદ-સંહિતા · અધ્યાય 18.36
યસ્યૈવં વિદ્વાન્ વ્રાત્યો રાજ્ઞો ઽતિથિર્ ગૃહમ્ આગચ્છેત્ ।
શ્રેયાંસમ્ એનમ્ આત્મનો માનયેત્ તથા રાષ્ટ્રાય ના વૃશ્ચતે
તથા ક્ષત્રાય ના વૃશ્ચતે તથા બ્રહ્મણે ના વૃશ્ચતે ।
તતો વૈ બ્રહ્મ ચ ક્ષત્રં ચોદ્ અતિષ્ઠતાં
તે અબ્રૂતાં કં પ્ર વિશાવેતિ ।
તે પ્રજાપતિર્ અબ્રવીદ્ બૃહસ્પતિમ્ એવ બ્રહ્મ પ્રાવિશદ્ ઇન્દ્રં ક્ષત્રમ્ ઇતિ ।
તતો વૈ બૃહસ્પતિમ્ એવ બ્રહ્મ પ્રાવિશદ્ ઇન્દ્રં ક્ષત્રમ્ ।
ઇયં વાવ ભૂમિર્ બૃહસ્પતિર્ અસૌ દ્યૌર્ ઇન્દ્રઃ ।
અયં વાવાગ્નિર્ બ્રહ્માસાવ્ આદિત્યઃ ક્ષત્રમ્ ।
ઐનં ક્ષત્રં ગચ્છતીન્દ્રયાવી ભવતિ ય આદિત્યં ક્ષત્રં દિવમ્ ઇન્દ્રં વેદ ।
ઐનં બ્રહ્મ ગચ્છતિ બ્રાહ્મણવર્ચસી ભવતિ
યો ઽગ્નિં બ્રહ્મ બૃહસ્પતિં ભૂમિં વેદ ॥
મૂળ પાઠ: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0