Paippalāda-Saṃhitā · Chapter 18.37
yasyoddhṛteṣv agniṣv ahute agnihotra evaṃ vidvān vrātyo 'tithiḥ |
svayam enam abhyudetya brūyād
vrātya kvāvātsīr iti vrātyo dakam iti vrātya tarpayantv iti ||
yad āha vrātya kvāvātsīr iti patha eva tena devayānān ava rundhe |
(yad āha) vrātyodakam ity apa eva tenāva rundhe |
yad āha vrātya tarpayantv iti prāṇam eva tena
varṣāyāṃ saṃ kṛṇute ||
purāgnihotrasya havanād upāṃśu kṛṇvīta |
vrātya yathā te priyaṃ tathāstv iti
vrātya yathā te nikāmas tathāstv iti
vrātya yathā te vaśastathāstv iti ||
yad āha vrātya yathā te priyaṃ tathāstv iti
priyam eva tenāva rundhe priye priyasya bhavaty
ainaṃ priyaṃ gacchati ya evaṃ veda ||
(yadāha vrātya yathā) te nikāmas tathāstv iti nikāmam eva tenāva rundhe
nikāme nikāmam asya bhavaty ainaṃ nikāmo gacchati (ya evaṃ veda) |
yad āha vrātya yathā te vaśas tathāstv iti
vaśam eva tenāva rundhe vaśī vaśasya bhavaty
ainaṃ vaśo gacchati ya evaṃ veda ||
Original text: Paippalāda-Saṃhitā · Edition: Dipak Bhattacharya The Paippalāda-Saṁhitā of the Atharvaveda. Volume One, Consisting of the first fifteen Kāṇḍas Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume Two, Consisting of the sixteenth Kāṇḍa Calcutta The Asiatic Society Dipak Bhattacharya The Paippalāda-Saṁhitā of the Atharvaveda. Volume three, consisting of the Seventeenth and Eighteenth · Data entry Arlo Griffiths Thomas Zehnder Philipp Kubisch Duccio Lelli Alexander Lubotsky Carmen Spiers Michael Witzel · GRETIL (Göttingen) · CC BY-NC-SA 4.0