પૈપ્પલાદ-સંહિતા · અધ્યાય 17.18

હેડં પશૂનાં ન્ય્ એતિ
બ્રાહ્મણેભ્યો ઽદદદ્ વશામ્ ।
દેવાનાં નિહિતં ભાગં
મર્ત્યશ્ ચેન્ નિપ્રિયાયતે ॥

યદ્ અન્યે શતં યાચેયુર્
બ્રાહ્મણા ગોપતિં વશામ્ ।
અથૈતા દેવા અબ્રુવન્ન્
એવં હ વિદુષો વશા ॥

ય એવં વિદુષે ઽદત્ત્વા-
-અન્યસ્મૈ દદદ્ વશામ્ ।
દુર્ગા તસ્મા અધિષ્ઠાને
પૃથિવી સહદેવતા ॥

દેવા વશામ્ અયાચન્
યસ્મિન્ન્ અગ્રે અજાયત ।
તામ્ એતાં વિદ્યાન્ નારદઃ
સહ દેવૈર્ ઉદ્ આજત ॥

અનપત્યમ્ અલ્પપશું
વશા કૃણોતુ પૂરુષમ્ ।
બ્રાહ્મણૈશ્ ચ યાચિતામ્
અથૈનાં નિ પ્રિયાયતે ॥

અગ્નીષોમાભ્યાં કામાય
મિત્રાય વરુણાય ચ ।
તેભ્યો યાચન્તિ બ્રાહ્મણાસ્
તેભ્ય આ વૃશ્ચતે ઽદધત્ ॥

યાવદ્ અસ્યા ગોપતિર્ ન-
-ઉપશૃણુયાદ્ ઋચઃ સ્વયમ્ ।
ચરેદ્ અસ્ય તાવદ્ ગોષુ
નાસ્ય શ્રુતા ગૃહે સ્યાત્ ॥

યો અસ્યા ઋચ ઉપશ્રુત્ય-
-અથ ગોષ્વ્ અચીચરત્ ।
આયુશ્ ચ તસ્ય ભૂતિં ચ
દેવા વૃશ્ચન્તિ હીડિતાઃ ॥

વશા ચરન્તી બહુધા
દેવાનાં નિહિતો નિધિઃ ।
આવિષ્કૃણુતે રૂપાણિ
યથા સ્થામ જિગાંસતિ ॥

આવિર્ આત્માનં કૃણુતે
યથા સ્થામ જિગાંસતિ ।
અથો હ બ્રહ્મભ્યો વશા
યાક્યાય કૃણુતે મનઃ ॥